Seleccionar una pagina

A Taula !

0 |

La blanqueta de polet

La blanqueta es una mena de salsa blanca plan anciana e coneguda pertot en Occitània. Fa per tot, carn, peis, legums… Tot se pòt adobar en blanqueta. Amai, es aisida de far, la blanqueta.

Ingredients

A taula - Polet

4 talhs de polet

A taula - Laurièr

laurièr

A taula - CEBA vectoriel

1 ceba

A taula - Farigola

farigola

A taula - Carrota

4 carròtas

A taula - burre

burre

A taula - Uòus

1 uòu

A taula - crèma

crèma

A taula - Farina

farina

A taula - SAL PEBRE vectoriel

sal e pebre

Preparacion

Cal talhar la carn a tròces coma de dats gròsses. Pelar la ceba e copar las carròtas a rodèlas. Tot aquò a l’ola, cobèrt d’aiga e sul fòc. Salpebrarem e ajustarem la farigola, lo laurièr e baissarem lo fòc per daissar anar docetament. Al cap d’una mièja orada que tot serà còit, o tirarem de sul fòc e trescolarem lo bolhon que reservarem. Metrem los legums dins un plat.

Puèi metrem un tròç de burre dins un cacet sus fòc suau. Tanlèu qu’es fondut i metèm un culherat de farina e bolega que bolegaràs. Quand comença de rossir i ajustam lo bolhon e remenam sens quitar duscas al bulh. Alara i ajustam lo polet e las carròtas e tre que torna bulir, tiram la caçairòla de pel fòc e ajustam lo rossèl de l’uòu batut dins un bòl amb un pauc de crèma, remena que remenaràs e en taula !

Variantas

Abans de tot, se pòt rossir lo polet amb qualques escalunhas picadas. Se pòt ajustar a l’ola un gòt de vin blanc o un ram d’estragon.

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.

A prepaus de l'autor

Vicent Marqués

Vicent Marqués i Carbonell es nascut en 1950 al País Valencian. Cosinièr de profession (ara retirat), li agrada tanben escriure, e far de recèrcas. Quaranta ans fa comencèt un trabalh antologic e istoric de la cosina occitana e catalana, un trabalh menimós fòrça documentat que qualques tòmes ne son ja sortits. Vicent escriviá ja dins Jornalet, per Lo Diari liura una recèpta, de bon far, totjorn plan rensenhada sus tot lo territòri, amb l'ajuda de Joan Tomàs.

Soscriure
M'assabentar quand
0 Comentaris
Retorns en linha
Veire totes los comentaris

Crompar Lo Diari

Anóncia

Los pòdcasts

Los darrièrs clips

Cargament...

La letra del Diari

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.