Seleccionar una pagina

Critica literària

Criticas e cronicas de las darrièras parucions.

De lòng de Ròse

Lo rapòrt estrech entre leis òmes e un luec, un territòri precís, inspira sovent l’òbra literària. Escriure pren alòrs una dimension particulara, dins son trabalh d’escritura l’autor teisse un ligam amb l’espaci, assaja de ne dire tota la riquesa, la complexitat e assaja de traduire en mòts aquela relacion entre l’òme e lo paisatge, sei plantas, seis aubres, sei pèiras e sa tèrra, seis aigas. L’escritura i es prigondament « ecologica ».

Ne legir mai

Quicòm de roge

Laurenç Cavalié es una votz importanta, singulara, que marca la creacion musicala occitana actuala. Es un artesan de la cançon e l’un deis obriers de la transmission d’una pratica vocala d’òc ancorada mai capabla de metamorfòsis estonantas. Arquitecte dau projècte de la Mal Coiffée, fondator de Du Bartàs, cercaire infatigable dei pampalhetas d’aur d’una lenga-riu que cava lo cauquier menerbés, es tanben escrivan.

Ne legir mai

666

Florian Vernet es costumier dei racòntes a pòrtas e fenèstras multiplas, sei libres multiplican lei juecs de miraus e nos fan passar, ben sovent, de l’autre costat dei causas. Son darrier roman, au títol diabolic, es un tèxte apocaliptic dins la vena dei pròsas d’anticipacion lei mai recentas.

Ne legir mai

L’annada que chade jorn ne’n es una festa

Un crane libre qu’aqueu Solide Almanach Nourricier per l’annada 2022, emb son boiradís d’articles daus títols plens d’umor e de poesia, mai de fòtos coloradas e joiosas. Trop chou qu’a chade còp presenta una leguma, Embossé toi-même qu’explora l’univers misteriós de las saussissas, Les mots de Greta Garbure qu’explica las etimologias e las relacions daus mots, L’òrt de Pierre que balha tot plen de conselhs per lo vergier, tant de rubricas qu’òm tòrna trobar emb plaser de la debuta çai qu’a la fin, e que perpausan un molon de descubertas, ortalieras, culinàrias, naturalistas mai culturalas.

Ne legir mai

Eu

Miquèla Stenta, professora a la retirada, militanta de longa, ara autora, nos conta a travèrs sos libres Seta, la vida de sa familha e, tanben, sa pròpria istòria. Sa maire, originària del país, la contèt dins Negrelum. Lo recit d’una fin de vida dura, d’una maire dura de còps, que l’autora nos desvela amb sinceritat. Eu, es son paire.

Ne legir mai

Crompar Lo Diari

Anóncia

Lo CalenDiari

La letra del Diari

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.

Los darrièrs clips

Cargament...