Lo rescontre es una entrevista que pren un pauc mai lo temps d’anar al fons de las causas. Sovent ocupan doas paginas complètas dins Lo Diari papièr !
Arqueològa e antropològa de formacion, Juliette Cazes s’es lèu especializada dins la recerca en tanatologia. S’es faita bravament conéisser per son « Bizarreum », de vidèos e podcasts de vulgarizacion a l’entorn de la mòrt ont tracta aquel tèma universal amb intelligéncia, pudor, subtilitat e un pecic d’umor.
Ne legir maiLo director d’orquèstra Jean-Marc Andrieu serà a la bagueta (emai n’utilizèsse pas) per menar Las Passions, l’orquèstra barròca de Montalban, del temps de 3 representacions previstas en octobre de Daphnis e Alcimadure, de Jean-Joseph Cassanéa de Mondonville, siá lo sol opèra barròc escrit en occitan, quasiment jamai jogat dempuèi sa creacion al sègle XVIII !
Ne legir maiSylvain Lasjuillarias, o Sylas, es autor de romans e de jòcs de societat que lo darrièr en data, Pirate Box, sortiguèt l’an passat. Abans aquò li deviam ja dos succèsses, Samsara e Pharaon. Aquel peiregordin discrèt, agafat pel monde dels jòcs fa un pauc mens d’un decenni, nos liura aquí qualques secrèts de fabricacion…
Ne legir maiLo duò ròck Courtial X Kogane (ara CXK), es a aprestar un disc novèl, que la data de sortida n’es pas encara coneguda. Tròp impacients d’esperar la seguida de l’excellent EP Diga-me, sèm anats al rescontre del Paulin Courtial, guitarrista e cantaire del grop.
Ne legir maiLouie Z, avatar ròck de Louis Pezet, cantaire de Feràmia (entre autras formacions), ven de sortir un EP e n’aprèsta dos autres que descobrirem dins l’annada ; lo viratge ròck de l’artista albigés sembla se confirmar.
Ne legir maiEstela Loddo, urosa espleitaira del domeni La Camba Tòrta dins lo galhagués, s’es installada en fermatge en 2016. Aprèsta ongan sa quatrena vendémia. Malgrat de galèras a la debuta, son projècte es a mand de capitar, las chifras d’espleitacion son de las bonas. Estela nasquèt pas d’una familha d’agricultors.
Ne legir mai
Abonament a Lo Diari
De : 1,50 € / mes
Lo Diari (al numèro)
5,00 €
