Seleccionar una pagina

Danís Chapduelh

Danís Chapduelh

Perigòrd d'origina vivent a Tolosa aprèp un passatge a Bordèu, mas d'èime panoccitan, oficii coma cap-redactor del Diari a la seguida de Sebastian Pugin, qu'ensagi de contunhar son òbra. Ai una formacion en letras, en lenga occitana e en projèctes culturals, tanben en comunicacion, webmastering e evenimencial. Soi curiós de tot çò qu'es creacion, encara mai s'es en ligam amb la lenga occitana, e s'estimi melhor daissar parlar los autres e jogar lo "Mossur Leial" en colissas, me veiretz d'aicí e d'alai signar qualques articlons, en defòra del tradicional edito, sus de subjèctes variats. En mai del Diari soi cargat de mission sus d'autras accions de l'Institut d'Estudis Occitans de la Region Miègjorn-Pirenèus qu'o edita, e fau tanben d'autras causòtas a costat.

Castèls dins la luna

Es pas per çò qu’òm fa de musica dins la vertat crusa e nusa del simple duò qu’òm pòt pas aver de sòmis. E es pas per çò qu’un sòmi es un sòmi que se pòt pas complir. Amb lor segond album, Paulin Courtial e Dimitri Kogane, qu’aiman de se redusir (sens se demesir) a la simpla expression CXK, se dessenhan mens un castèl dins la luna qu’una trajectòria orbitala segura ensús Avairon, Nauts Pirenèus e Estats Units.

Ne legir mai

Ressègasonsainas (Edito del Diari n°79)

A quin moment un Ominid d’aurelha mai segura que sos congenères tustèt dos calhaus en se disent “macarèl, aquò tinda plan, anam poder montar un grop” ? Qual·a, puslèu que de far prangièra o de profeitar d’una vida tròp corta, trauquèt l’òssa del rèn del dinnar per estuflar dedins e trobèt aquò polit ? Cossí se sonava aquel (dangierós) personatge que lo primièr vegèt una cabra guimbar gaujosament pels pastencs e comencèt de s’imaginar l’escanar, la despolhar, vissar de tudèls dins tot çò que semblava, de prèp o de luènh, a un trauc, e i bufar coma s’aquò foguèsse çò pus natural del monde ? A aquelas questions portarem pas – e es benlèu pecat – responsa dins aqueste Diari. Çaquelà, aprèp mai d’un numèro a barjacar de la musica un còp qu’es faita, tornarem montar a la font del son per parlar de cossí se fa, justament, aquela musica.

Ne legir mai

Duèl provençau, trilogia marselhesa (Edito del Diari n°78)

Quand aprengueriam qu’en 2024 s’organizarián de causas a l’entorn de Marcel Pagnol, 50 ans tot bèu just après sa mòrt, aquò alumèt quauquaren dins nòstre esperit.

E quand un contributor nos ramentèt que son tanben lei 40 ans de Massilia Sound System, grop occitan emblematic de Provença e que, bessai… Pagnol… Massilia… esperatz… i auriá pas un liame entre aquelei figuras ?

Ne legir mai

Polar Park, la seria venguda dau freg

Coma sei un pauc innocent, creguí pendent longtemps çò que me disiá la television, quand me contava qu’Orlhac es la vila la mai freja de França. Me fauguet esperar d’èsser au mens adulte per qu’un cantalós me diguesse que quò teniá au fach que l’estacion que mesura es en nautor. Un mite televisuau escharraunhat de mai.

Ne legir mai

Jànluc Sauvaigo, sus li peadas dau caminaire

Né à l’exact milieu du siècle à Nice, Jean-Luc Sauvaigo est un artiste multiple, tour à tour poète, peintre, dessinateur, chanteur, musicien, auteur… Son influence est tout autant à chercher du côté des Beatles et du rock que de Kerouac et de la beat generation ou encore de… Robert Lafont et d’une Occitanie ouverte et forte de l’ensemble de ses territoires. Suite à toutes ces rencontres, Sauvaigo a participé à la contreculture niçarde à partir des années 70, en BD, musique ou poésie. Pour ce Diari très spécial, il nous raconte son “président”.

Ne legir mai

Crompar Lo Diari

Anóncia

Los pòdcasts

Los darrièrs clips

Cargament...

La letra del Diari

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.