Seleccionar una pagina

Guillaume Gratiolet

Guillaume Gratiolet

Nascut en Òlt e Garona, Guillaume Gratiolet viu ara a Tolosa. Òme de mèdias, passèt per mai d'una ràdio, faguèt tanben de television, avant de s'ensajar uèi a la premsa magazine escrita dins las colomnas del Diari. "Selecta" (DJ) e animator, Guillaume es tanben un afogat de musica e de "pop culture", doas passions que parteja amb lo monde e en occitan se vos plai al dintre del projècte "Lo Clam", ont parla tan de serias tele que d'espòrt, de cinèma o de videojòcs, entre dos "esquètchs" risolents e de seleccions de cançons plan mitonadas. Quand foguèt sollicitat per far partida del còr de l'equipa del Diari, respondèt "òc" còpsec. Una evidéncia !

Alain Paraillous

Per evocar lo vinhal de Busèth (Buzet en francés), un dels mai ancians de França, que s’espandís sus 27 comunas d’Òlt e Garona, avèm encontrat l’escrivan Alain Paraillous, que la vinha e las tradicions del monde païsan abitan son quinzenat de romans. Realizèt en 2003 un obratge illustrat consacrat a l’istòria del vin de Busèth : Terroir de Vignes.

Ne legir mai

La part de l'auratge

Lo Barrut es de retorn amb un album novèl, La part de l’orage, que regaudirà los afogats de la còla lengadociana, e farà segurament d’adèptes nòus pr’amor de la bona qualitat de produccion e de l’estrambòrd que desgatja globalament lo disc. La part de l’orage sortirà en dos temps : en setembre en comanda e suls concèrts e en genièr 2021 per una sortida oficiala acompanhada d’una virada.

Ne legir mai

Enlacés - lo sòmi argentin de Guilhèm Lopez

Lo musician gersés Guilhèm Lopez, arquitècte de disques e d’espectacles remirables coma Med’in Aqui, Quercy Pontoise, o mai recentamant Anda-Lutz aima de viatjar e nos endralhar dins d’aventuras musicalas amb sos amics de totjorn (Thierry Roques, Eric Fraj, Cyril Brotto) tanplan coma de musicians rescontrats sus lo camin (Sam Burguières, Amine Tilioua, Saïd el Maloumi). Amb la musica de Lopez, viatjam cap a Catalonha, Andalosia, Magrèb… Totjorn mai al sud. E ara cap a America !

Ne legir mai

Djé Balèti - Pantaï

A l’anóncia de la sortida d’un album novèl de Djé Balèti, nos regaudissèm, que l’artista prepausa de disques totjorn mai originals. A l’escota capviram dins l’estrambòrd. Es una capitada. Lo disc es poderós, tradusís perfièitament lo vam dels concèrts.

Ne legir mai

Manchø

Dracon, Lo filh del Drac es una benda dessenhada originala e risolièra pensada e estampada en occitan. Aquò’s pro rare per o soslinhar. Lo Drac es un personatge conegut de la mitologia occitana, aquel qu’es mens conegut es son filh, « mandat sus Tèrra per semenar la terror ! ».

Ne legir mai

COCANHA - Puput

Dançar ! Es lo primièr messatge que nos balha aqueste album. Dançar per se liberar. Liberar son còs e perqué pas son èime. Vos sufís de gaitar los clips que ne son tirats (Lo Cotelon, Suu Camin de Sent Jacques) per comprene lo vam e l’enveja de la còla.

Ne legir mai

M’aboni !

Far un don al Diari

Lo Diari, coma tota la premsa emai la premsa occitana, patís d'una situacion malaisida. Aquí vos perpausam de sosténer la cultura en occitan. Cada don compta !

Anóncia

Lo CalenDiari

Los darrièrs clips

Cargament...

La letra del Diari

Soscrivètz a nòstra letra d'informacions !

Soscrivètz a nòstra letra d'informacions !

Vos prepausam de vos abonar, en dos clics, a una letra regulara que vos tendrà assabentat·da de las sortidas dels novèls Diaris papièrs e de la publicacion d'articles novèls.

Avètz soscrich amb succès !