Mùsica d’aquì
Afogat·da de musica tradicionala e d’instruments ancians, estranhs o excepcionals, aqueste libre es per vos. A travèrs la viòla, l’acordeon, lo pifre, lo petador o encara la vespa, es tota l’istòria del país niçard que nos es contada. Explica cossí la musica ritma la vida vidanta, e acompanha los moments importants coma los maridatges o las fèstas popularas (Nadal, Carnaval, etc). Aquel libre vos donarà de segur una enveja imperiosa de visitar lo musèu del Palais Lascaris ont se pòdon veire los instruments precioses mas tanben d’afichas e de fotografias ligadas a la cultura musicala de Niça.
E per complir lo moment de lectura d’aqueste polit libre, vos prepausi d’escotar la musica del grop de musica lo Corou de Berra. Es un projècte menat per Michel Bianco qu’assòcia una formidabla diversitat de musicians que fan vibrar lo patrimòni musical de Niça.
