Seleccionar una pagina

A Taula !

0 |

Muscles amb d’espinacs

Es un plat provençal que se tròba tanben en Lengadòc. Es una caçòla de muscles e d’espinacs amb una mena de salsa blanca.

Ingredients

A taula - Alh

1 kg de muscles

A taula - Espinacs

1 kg d’espinacs

A taula - échalotes

2 escaluènhas

A taula - fromage gruyère

de formatge raspat (parmesan, gruièra)

A taula - Farina

60 g de farina

A taula - SAL PEBRE vectoriel

sal e pebre

A taula - Òli

òli

Preparacion

D’en primièr, metrem los muscles dins una ola tampada e sus fòc suau. D’aquel temps, metrem una autra ola amb un pauquet d’aiga sul fòc, salarem e quand bolhirà, i metrem los espinacs. Quand los espinacs auràn pres un bolh, los colarem e reservarem l’aiga. Puèi pelarem e picarem las escaluènhas. D’aquel temps, los muscles se seràn dubèrts, los passarem pel colador e gardarem l’aiga. Tirarem los muscles de las valvas e aniràn dins un plat. Talharem a pro pena los espinacs. Dins una padena sus un fòc doç, farem rossir las escaluènhas e i ajustarem la farina que farem rossir tanben, sens arrestar de remenar amb lo culhièr de fusta. Alara i ajustarem l’aiga dels muscles e la dels espinacs ; siá en tot mai o mens tres quarts de litre. Remenarem fins que prengue un bolh. I metrem los muscles e los espinacs, salpebrarem e abocarem tot dins una caçòla de terrissa. Un còp cobèrt de formatge raspat, enfornarem a 200°. Un còp daurat, portarem lo plat en taula.

Variantas

Se pòt far tot a la padena e sens formatge. D’autres càmbian l’aiga per de lait o de vin blanc o los dos. D’unes farcisson los muscles amb los espinacs, d’autres encara ajustan de pan raspat per melhor gratinar. S’i pòt metre de nose muscada o un pauc de safran.

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.

A prepaus de l'autor

Vicent Marqués

Vicent Marqués i Carbonell es nascut en 1950 al País Valencian. Cosinièr de profession (ara retirat), li agrada tanben escriure, e far de recèrcas. Quaranta ans fa comencèt un trabalh antologic e istoric de la cosina occitana e catalana, un trabalh menimós fòrça documentat que qualques tòmes ne son ja sortits. Vicent escriviá ja dins Jornalet, per Lo Diari liura una recèpta, de bon far, totjorn plan rensenhada sus tot lo territòri, amb l'ajuda de Joan Tomàs.

Soscriure
M'assabentar quand
0 Comentaris
Retorns en linha
Veire totes los comentaris

Crompar Lo Diari

Anóncia

Los pòdcasts

Los darrièrs clips

Cargament...

La letra del Diari

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.