Seleccionar una pagina

Supereròis

Cronica sus lo monde daus supereròis : comics, serias, filmes, mas tanben lur dificila integracion dins nòstre pitit monde d’umans normaus e sens problemas…

La Femna Meravilha

Massilia, lo grope emblematic dau reggae occitan, nos rapela dins son nom mai dins lor album Chourmo que la capitala provençala fuguet fondada per daus marins grècs en l’an 600 davant nòstra era. L-i porteren lor civilizacion mai lors dieus. E d’après DC Comics, los Olimpians son totjorn en Provença e ne’n an fach lo terren de lor afrontament.

Ne legir mai

Lo baston daus druidas

Lo Cantau, sas montanhas mai sa planesa, era una partida dau país daus fiers guerriers Arvernes. Adonc ne’n vòle prochefar per vos parlar de dos dieus gallés que Marvel Comics introduset dins son univers : Cernunnos e Taranis.

Ne legir mai

Viatge intergalactic

L’espaci, las galaxias luenchas, o nòstre quite sistema solar, son poplats d’èssers aus poders extraordinaris, que fan partida de l’univers supereroïc. Vos prepause de levar la testa la nuech e d’imaginar tot quilhs eròis e lors aventuras au mitan de l’estelas.

Ne legir mai

Chebau, paup, oïzz

Lo supòrt màger daus supereròis dempuei lor creacion es la benda dessenhada, apelada « comics » quand parlem de lor produccion nòrd-americana. Queu media, que boira imatge e texte, necessita un biais de revirar particular, mai que mai per un de sos elements caracteristics : las onomatopeias. Lo vam explorar emb quauques exemples e eissais de passatge de l’anglés american a l’occitan lemosin.

Ne legir mai

Lo super-retrach : Miss Marvel

Danís Chapduelh

Lo super-retrach : Miss Marvel

Adiu los pitits ! Un còp de mai, lo Capitani Lemosin vos ven parlar de son repaire secret totjorn ‘catat au mitan dau malhum de galariàs que s’espand jos la vila de Limòtges. Queste còp, vos convide a descubrir ma novela rubrica : lo super-retrach. Vos i presentarai lo superjòune de l’annada. E per queu prumier rendetz-vos farem la coneissença d’una dròlla qu’avetz benleu desja crosada dins una seria en 2022 mas que tòrna en 2023 : Miss Marvel !

Ne legir mai

Permenada americana

L’America dau Nòrd e mai que mai les Estats Units son lo terrenh de juòc preferit daus supereròis. Mas si la majoritat daus personatges de Marvel demòran a Nuòva York, los de DC viven chascun dins una vila diferenta e totas son imaginàrias. Adonc, vos prepause un viatge dins l’America de Batman e Superman.

Ne legir mai

Crompar Lo Diari

Los pòdcasts

Los darrièrs clips

Cargament...

La letra del Diari

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.