Pop Canton #02 amb Louis Pezet

😎 Venètz, venètz, del costat pòp de la cultura, i sèm plan plan plan ! De qu’es aquò la “pop culture” ? Cadun n’aurà sa definicion, e es plan d’aquò que s’agís : far parlar un·a convidat·da de sa cultura personala. 🎙️

👨‍🎤 Louis Pezet es cantaire dins lo grop de jazz-fusion Feràmia e mena tanben lo projècte solet de Louie Z, mai pòp-ròck. 🎸🎹

💝 Long de rubricas aprestadas per Guilhem Gratiolet, compartís sas passions per Age of Empires, Minecraft, Magic: The Gathering, lo Drac, American Dad, Marell, Sourdure, los Beatles, Billie Eilish, l’heroic fantasy, los Simpsons (imitacion enclausa), Hunter x Hunter, los Lego, sa Renault 21 e Joan Bodon. E nos desvèla un còrn negre de son passat, sa carrièra dins lo reggae ! 🎶

👉 Pop Canton ❔

🎮 Al canton de la cultura pòp s’i tracha de literatura, de cinèma, de BD, de serias, de jòcs vidèo o de societat, de musica, de dessenhs animats, dins un occitan que se daissa anar suavament. 🏖️

🎒 E lo Guillaume a çò que cal dins sa granda saca fluò per metre d’aise lo monde e los butar a confisar çò que ne fan çò que son : gostes (bons o dobtoses), sovenirs d’enfança e retorns cap al futur, còps de còr e còps de morre, tendrums, tissas, manias de tota mena… 🤩