Un còp èra
Un còp èra
Qué de mei plan qu’un conte entà passar las soas longas seradas d’ivèrn ? A la vertat, lo monde de uei que van meilèu espiar ua seria, plan ahonsats hens lo sofà… E totun lo conte, professionau o en familha, qu’a tant de causas a balhar. Alexandre Cartigny, lo realizator deu film suu grop Artús, qu’a plan comprés qu’aqueth art e s’ameritava mei d’ua aurelha gran ubèrta e que ns’a volut partatjar aqueths tesaurs qui son misteriosament a l’encòp locaus e universaus, efemèrs e eternaus. Tad aquò har, que’s lancè quauquas anadas a en la realizacion d’un navèth documentari intitolat Un còp èra, on e’ns hè viatjar aus quate còrns d’Occitània entad encontrar a especialistas e contaires talentuós, las lors istuèras contadas, e las istuèras deus lors contes. Que i arretroberatz dab gran plaser a Marie Coumes, Paulin Courtial, Isabelle Loubère, Florent Mercadier, Monica Burg, Patricia Heiniger-Casteret, Fèliç Daval, Cristian Omelhièr, Malika Verlaguet, Alan d’Abadia, David Bordes, Sèrgi Mauhorat e Thomas Baudouin.
Lo documentari qu’estó produsit per ÒCtele e Saison 5 dab lo sostien deu CNC e deu CIRDÒC – Institut occitan de cultura.
Un còp èra qu’ei disponible sus octele.com en la rubrica « Films e Documentaris » dinc au 24 de heurèr de 2024.
Alavetz, quin s’anóncia l’ivèrn a vòste ? Si ne podetz pas alucar lo huec dens la cheminèia, ne manquetz pas totun alucar lo vòste ecran e de picar « octele.com » !