Concors d’escritura Pierre Brayac
Concors d’escritura Pierre Brayac
L’Associacion AQUÍ L’ÒC organiza un concors d’escritura en occitan per Òlt e Corrèsa. Serà gratuit e dobèrt a totes. Encoratjarà 5 categorias : mairalas, elementaris, collegians, liceans e adultes. Lo tèma retengut es un conte meravilhós elaborat en gropes o tot solet. Lo tèxte serà corregit per d’esnsenhaires e d’escrivans dels dos departaments. Las inscripcions al concors seràn dobèrtas entre lo 16 de setembre e lo 16 d’octobre. Aquel conte deurà èsser mandat al mai tard lo 12 de febrièr de 2021.
Un formulari d’inscripcion e lo règlament seràn mandats per mail als establiments escolars e als cèrcles occitans. Seràn tanben a disposicion del public a l’Espaci Occitan.
Los premiats seràn avertits dels resultats per corrièr electronic.
La remesa dels prèmis (libres, abonaments) se farà lo dissabte 22 de mai de 2021 dins l’encastre del festenal Escambis.
Inscrivètz-vos numeroses per escriure dins la lenga dels trobadors !