Ròck, mòdas e dòxa

Tota epòca coneis mòdas e tissas que, a l’encòp, exprimisson un imaginari e lo noirisson. Non escapam pas a aquel fenomèn, dins lo domeni de la musica coma dins d’autres. Aital, despuèi un briu, s’ausís e se lei l’expression “musicas actualas”, que designariá un ensemble de musicas pròprias del temps present, nascudas d’el, presentant doncas un caractèr de novetat rapòrt a las musicas precedentas, las qualas se definirián alavetz coma “inactualas”.