Seleccionar una pagina

Critica literària

0 |

Tres libres per cantar

La lectura d’aqueste polit exemplari del Diari vos a donada l’enveja de far restontir vòstra votz e coneissètz pas las paraulas ? Aquí per vos una seleccion de tres libres de cants que, en mai d’aquò, vos faràn passejar de Gasconha fins a Auvèrnha !

Amb per començar 100 Cantas causidas e presentadas per Bernat Casanava, libre pichon, que vos poiretz far siègre pertot, e que dedins i trobaretz las paraulas de cantas gasconas de las conegudas, e d’autras que meritarián de n’èsser mai. Auretz pas pus de rason per cantar pas a plen tutèl dins les repaisses de fèsta !

100 Cantas

Bernat Casanava
Per Noste, 11/2006
11 x 15 cm – 128 paginas
8 € – EAN : 9782868660381

Puèi dins Se canta que cante, poiretz descobrir 154 cançons tradicionalas collectadas per l’associacion CORDAE / La Talvera dins maitis departaments : Tarn, Avairon, Òlt, Erau… Cada cançon i es acompanhada d’una traduccion e, pels musicians, d’una particion.

Se canta que cante

CORDAE / La Talvera
GEMP / La Talvera, 08/2015
15 x 15 cm – 248 paginas
12 € – EAN 13 : 9782918234081

E se vos estimatz mai d’escotar abans de cantar, Chansons d’Auvergne – Cançons de la vida de Alain Bruel, Didier Huguet e Jean-Claude Rocher es acompanhat per un CD. I poiretz entendre le prumièr coblet de caduna de las 125 cançons d’aqueste obratge e caduna i es presentada amb sa particion, sas paraulas, las variantas e mai la traduccion francesa. De qué contentar tanben les començants dins la lenga.

Chansons d'Auvergne - Cançons de la vida

A. Bruel, D. Huguet, J.C.Rocher
L’Ostal del Libre, 12/2020
17 x 21 cm – 255 paginas
25 € – EAN 13 : 9782914662239

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.

A prepaus de l'autor

Yoann Algans

Yoann es en carga de la Tuta d'Òc, librariá occitana de Tolosa (Ostal d'Occitània) bailejada per l'IEO 31.

Soscriure
M'assabentar quand
0 Comentaris
Retorns en linha
Veire totes los comentaris

Crompar Lo Diari

Anóncia

La letra del Diari

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.

Los darrièrs clips

Cargament...