Seleccionar una pagina

A Taula !

0 |

La brandada de mongetas

Es un plat provençal, plan conegut al país marselhés. Lo vèrb « brandar » vòl dire « remenar », « bolegar » qu’es çò que cal far amb las mongetas per ne far una purèia abans d’i ajustar l’òli e lo lait, coma dins la renommada brandada de Nimes. Es coma un hummus mas amb de mongetas. Se manja sus de lescas de pan fregit.

Ingredients

MONGETAS vectoriel

350 gr de mongetas

LESCAS PAN vectoriel

lescas de pan

CEBA vectoriel

1 ceba

OLI vectoriel

òli

AIL vectoriel

alh

Sel Poivre

sal e pebre

LAIT vectoriel

lait

Preparacion

Se comença per pelar la ceba, li farem un talh en crotz pas gaire prigond e farem de lescas de pan. Puèi metrem las mongetas qu’auràn passat la nuèit dins l’aiga dins una ola e sul fòc cobèrtas d’aiga. Ajustarem la ceba e tres o quatre alhs sens los pelar. Salpebrarem e al primièr bul, baissarem lo fòc per daissar bulir suaudament. Mentretant vuejarem mièg det d’òli dins una padena sul fòc, tot docetament. Quand l’òli serà caud, i metrem las lescas de pan e las fregirem d’un costat e de l’autre. Al cap d’una ora o mai, las mongetas còitas, (aquò depend de las mongetas e de la qualitat de l’aiga) atudarem lo fòc, tirarem la ceba e los alhs e colarem las mongetas. Las vuejarem plan estorridas dins un mixer amb un mièg veirat d’òli d’oliva e i ajustarem un raig de lait per aver la consisténcia que volèm. Fin finala, o metrem dins un plat e o portarem en taula amb la sièta de lescas de pan fregidas.

Variants

Se pòt ajustar dins l’ola un branquilhon de farigola o una fuèlha de laurièr. A Marselha es costuma d’i ajustar un tròç de bostarga (uòus de peis) o uns filets d’anchòias esbocinats. S’i pòt tanben ajustar un raig de chuc de limon, o una mica d’alh picat.

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.

A prepaus de l'autor

Vicent Marqués

Vicent Marqués i Carbonell es nascut en 1950 al País Valencian. Cosinièr de profession (ara retirat), li agrada tanben escriure, e far de recèrcas. Quaranta ans fa comencèt un trabalh antologic e istoric de la cosina occitana e catalana, un trabalh menimós fòrça documentat que qualques tòmes ne son ja sortits. Vicent escriviá ja dins Jornalet, per Lo Diari liura una recèpta, de bon far, totjorn plan rensenhada sus tot lo territòri, amb l'ajuda de Joan Tomàs.

Soscriure
M'assabentar quand
0 Comentaris
Retorns en linha
Veire totes los comentaris

Crompar Lo Diari

Los pòdcasts

Los darrièrs clips

Cargament...

La letra del Diari

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.