Road Trip sul causse de Blandaç

Après las garrigas d’Erau que fan tot un entrevescar d’eusièras e de vinhals, s’enauçan las barras blancas de calquièr dels contrafòrts caussenards. Qualques rotas bartassièras serpentejan al pojar, fins al sulhet d’aquel monde d’autura. Segur, per anar mai lèu, poiriatz seguir l’autopista, la famosa A75 que travèrsa lo pas de l’Escaleta e lampeja drech cap al viaducte de Milhau… Mai seriá tròp simple e mancariatz de temps ; es dapasset que cal cambiar de paisatge.