Seleccionar una pagina

Clic & Scroll

0 |

Qui a matat Francés Canat ?

Es a se demandar cossí vuèi le teatre, que de mès en occitan, pòsca arribar a se fèr una plaça, tant menudeta siaga, demest les lésers e passatempses pletorics e envaïdors que coneguèm. Vaquí coma exemple l'aventura de la còla de teatre de l'IEO d'Arièja.

La basa b’ei simpla e eficaç, com un bon polar de gara : un mòrt, testimònis, personatges suspèctes, alibis, ua equipa de polícia mobilizada, ua enquista tà lançar e un copable tà trobar. Ua pièla de personatges de tota traca que s’expriman suu subjècte. Au public de trobar lo quau ei digne de hidança. Mes concretament, quin fonciona ? Tot permèr, que cau estar equipat d’un esmartfòne o d’ua tableta (o d’emprontar las de l’expò botadas a disposicion), installà’s l’aplicacion Qui a matat Francés Canat ?, lançar la maquina e daishà’s portar. La mustra que’s ditz interactiva, qu’ei au public de har avançar lo scenari, casco sus las aurelhas, visita perlongada per la tableta, en amassar los indicis, respóner a questions, progressar hens l’enquista.

A l’obertura de l’aplicacion, los personatges de caras illustradas, que’ns son presentats en un generic cinematografic. Teresa Pepin, Elisabèt de Pusei, Faiçau Imokrane, Esteve Valentin, Caròla Valentin, Justin Plau, amb l’aimabla participacion del menaire de taxi, la liuraira de pizza… E enfin l’equipa del comissariat : Baltasar Idola, Serafin Naudèl, Lucàs Becon, Annà Lisi. Mei ençà, cada personatge que parla en occitan, dab mantuas variantas dialectaus representadas. Permèr eveniment, un còp de hiu deu sergent Baltasar Idola de la polícia nacionau qui’ns hè compréner qu’èm l’estagiari de l’equipa deu comissariat tà tota l’aventura. Que deveram donc participar tà har la lutz sus aqueth ahar : « Qu’as tots los utís entà tribalhar, çò ditz lo Baltasar. Que’t carré passar au comissariat encontrar los collègas. » Los apèrs que son ua boeita mail, un telefòne, un repertòri de contacts, tà güeitar lo ligam e recéber las informacions, e un dossièr d’archius entà brembà’s de tot. La seguida que’s hè en dirècte, de cara aus panèus de l’exposicion : que cau préner en fòto dab l’esmartfòne o la tableta los elements grafics indicats. Atau, per reconeishença picturau, las avançadas que son validadas, l’aventura que’s persegueish. Tot lo debanament qu’ei scenarizat, mes mantuns camins e son possibles entà trobar lo fin mot de l’istòria.

Lo dispositiu Qui a matat Francés Canat ? qu’ei disponible au CIRDÒC de Besièrs. Lo materiau d’acompanhament pedagogic que compren un liberet de 40 pajas Autopsia deu polar entà companhar l’experiéncia e descobrir lo genre literari policièr. L’aplicacion qu’ei disponibla au telecargament per las platafòrma googleplay e autas iTunes. Que podetz d’ara enlà sollicitar los vòstes caps d’establiment, professors, animators, mediatècas, bibliotècas, entà har viéner l’experiéncia Francés Canat per vòste.

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.

A prepaus de l'autor

Caroline Dufau

Bearnesa expatriada a Tolosa, Carolina Dufau, dicha Carò, es una artista de terren, mai tots-terrens, de la cantèra, art que mestrèja "de com cau", fins a la vidèo al dintre del Collectiu Dètz. Carò canta dins lo grop 100% femenin Cocanha e dins d'autras formacions, e es tanben redactritz al Diari.

Soscriure
M'assabentar quand
0 Comentaris
Retorns en linha
Veire totes los comentaris

Crompar Lo Diari

Los pòdcasts

Los darrièrs clips

Cargament...

La letra del Diari

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.