Seleccionar una pagina

Lo Magazina

0 |

“A Taula !” (Editò del Diari n°51)

A Taula !

La lenga occitana sap melhor curar los topins ? Occitània s’arrestariá pas fin finala al moment que comença la cosina al burre ? Lenga d’oïl o lenga d’òli ? Aquelas  questions pseudofilosoficas, qu’auriái poscudas servir en latin – de cosina – nos presentan pasmens una reflexion que totes nos faguèrem : existís un legum, perdon, un ligam, entre cosina e occitan. Rapòrt al temps, a la transmission, menaças  globalizantas que pesan sul fial tèune tibat entre passat, present e avenidor, diversitat que bastís, a flor e a mesura, una unitat umila : la taula occitana es res de mens qu’un enjòc de societat.

E a la nòstra taula, se vos convidam a vos i venir sietar, es tant per tastar, flairar, pastissejar, coma per escotar, charrar, lengassejar. Los caps Mirelha Braç, Nicòla Pèirahita, Joan Ives Roier, fan entrar lenga, istòria, poesia, literatura, arts, dins lor cosina e, per los acompanhar al servici, nòstres cronicaires costumièrs cargan lo davantal !

Quand lo folclòr culinari e la sembla-cosina regionala rabinan lo fons dels vièlhs topins, s’agís de donar un brave còp de culhièr. Lo manjalèu noirís lo còs mas nos daissa l’esperit atalentat, e nòstra arma lipeta s’esfogassa sens fricòt per li desvelhar sas papillas. Urosament Lo Diari a la mòda slow-food vos perpausa son menut d’apetissadisses de bon legir, saborejar, devorar. La galavardisa, un pecat ? Rai, la cosina es sonque lo mai gostós dels pretèxtes…

Atencion çaquelà : sèm totjorn estampats sus de papièr (o d’ecrans) e pas de lescas finas de cambajoneton nimai de cogordetas en carpaccio.

Ne podretz descobrir mai dins las paginas de nòstre Diari n°52, disponible dins gaire !

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.

A prepaus de l'autor

Danís Chapduelh

Perigòrd d'origina vivent a Tolosa aprèp un passatge a Bordèu, mas d'èime panoccitan, oficii coma cap-redactor del Diari a la seguida de Sebastian Pugin, qu'ensagi de contunhar son òbra. Ai una formacion en letras, en lenga occitana e en projèctes culturals, tanben en comunicacion, webmastering e evenimencial. Soi curiós de tot çò qu'es creacion, encara mai s'es en ligam amb la lenga occitana, e s'estimi melhor daissar parlar los autres e jogar lo "Mossur Leial" en colissas, me veiretz d'aicí e d'alai signar qualques articlons, en defòra del tradicional edito, sus de subjèctes variats. En mai del Diari soi cargat de mission sus d'autras accions de l'Institut d'Estudis Occitans de la Region Miègjorn-Pirenèus qu'o edita, e fau tanben d'autras causòtas a costat.

Soscriure
M'assabentar quand
0 Comentaris
Retorns en linha
Veire totes los comentaris

Crompar Lo Diari

Los pòdcasts

Los darrièrs clips

Cargament...

La letra del Diari

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.