L’Yvan Bareyre qu’ei un actor culturau e politic màger, per aqueths parçans bordejant la Bidoza, l’Ador e los Gaves Reünits. Artisan especializat en renavida deu bastit ancian, collectaire de memòria, membre de l’Academia Gascona de Baiona-Ador, blogaire, ciutadan engatjat hens l’umanitari, qui sec de pròche la vita politica locau.
Ne legir maiAu mes de mai de 2018, que’s debanà la permèra edicion de La Passem, ua corruda de 3 jorns a contunh tà deféner la lenga occitana preus territòris deu Biarn e Baish Ador. En tot basà’s suus modèlas de la Redadeg bretona, de la Korrika basca o d’autes « córrer-lenga » europeans, lo ligam – senhau pingorlat portaira d’un messatge – que s’ei passejat d’ua man a l’auta sus quauques 400 qm. Tot quilomètre qu’estó crompat e corrut. Que son 48 000 € qui son estats amassats, 43 000 € que sòrten d’estar partatjats enter mantuas estructuras seleccionadas.
Ne legir maiProduccion, realizacion, difusion : qu’ei causa sabuda, l’audiovisuau occitan qu’ei fòrt chic representat per las vias mediaticas gran public. Que cau horucar per la tela e pistar las projeccions, tà poder assadorà’s la hami de contienut filmic en lenco nosta.
Ne legir maiAu parat deus dètz ans deu Diari, que’ns lançam en l’exercici de la seleccion retrospectiva preu paisatge discografic occitan : atau dètz albums seleccionats dab suenh, enter fin 2007 e començament de 2018. Un tòp dètz ?
Ne legir maiLo clic & scroll que se’n torna dab ua seria de tesaurs numerizats, gessida deu patrimòni proverós de las pajas enjaunidas, mercés a la bibliotèca numerica de Tolosa e au son portau Rosalís (relaiadas preu Cirdòc). Las pèças de teatre carnavalenc deus Tribunaus Carnivòras que son disponiblas en linha, a consultar o a telecargar.
Ne legir mai« Quimèra musicau a mitat maserada », atau que’s titola l’escriut manifèste qui’us presenta. Lo grop inclassable Feràmia que’s sortishó un dusau òpus, en deceme de 2018, en çò deu labèl de musica occitana Pantaís Recòrds. Que son en cèrca d’ua ibriditat liura e sauvatja, asseduda sus ua grana rigor musicau. Dialògues de coires e vutz, linhas de bassa e bateria jazz-ròck… Que credetz conéisher. Desenganatz-ve e daishatz-ve suspréner preu herum e parlar franc.
Ne legir mai
Abonament al Diari (1 an - 6 numèros) 
Vos prepausam de vos abonar, en dos clics, a una letra regulara que vos tendrà assabentat·da de las sortidas dels novèls Diaris papièrs e de la publicacion d'articles novèls.
