Seleccionar una pagina

TV

0 |

Distància visuala

Distància visuala

Far de television per temps de pandemia, una escomesa ? Pas vertadièrament. Dins lo mot « television », la distanciacion i es ja. Al contrari, la television es plan adaptada a aquel periòde. Nos podèm justament demandar çò que seriá estada aquela pandemia, que tòca tot lo planeta, sens vision distanciada, sens television.

Las novèlas aurián circulat diferentament, solide, mas los imatges aurián benlèu mancat.

La famosa masqueta que, ara, se vei de pertot, se vesiá sonque dins los reportatges sus Japon o d’unes païses asiatics. Fasiá rire los Europèus, aquela mòda de se tapar boca e nas per carrièras coma se foguèssem dins un espital.

L’imatge marcarà son epòca. Los reportatges que rodam en aqueste temps de pandemia son datats per aquestas mascas que sovent empachan de veire la boca dels que parlan. Poiriam far parlar quina lenga que foguèsse a una persona mascada ? Benlèu la pandemia nos a ajudats a reglar lo problèma del doblatge ?

La masqueta acabarà segur per desaparéisser, demoraràn los imatges amb aquel apendici novèl e poirem dire : « Tè, aquò foguèt rodat entre 2020 e 202…1, 2, 3… ».

Far parlar una persona mascada, filmar de monde tenguts a distància, es pas çò que i a de mai agradiu. Per çò qu’es de las entrevistas, dins las divèrsas emissions, la banalizacion d’internet fa que nos acostumam a un autre biais de far. Una qualitat d’imatge e de son mendra mas una facilitat per anar pescar l’interlocutor a l’ostal.

ÒCtele aurà participat a aquela pichòta revolucion de la television. Que cadun, amb son telefonet o son ordinator, es un pauc realizator.

Far de television en occitan per temporada de pandemia, i a pas res de mai normal. Es la leiçon que cal tirar. Prepausam de reportatges, d’eveniments distanciats, numerizats. E un temps de normalitat per la lenga occitana fin finala.

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.

A prepaus de l'autor

Oc télé

Òctele es una cadena de television en linha a 100% en occitan.

Soscriure
M'assabentar quand
0 Comentaris
Retorns en linha
Veire totes los comentaris

Crompar Lo Diari

Los pòdcasts

Los darrièrs clips

Cargament...

La letra del Diari

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.