Lo Diari vos ofrís de jòcs per Nadal !
Vos sovenètz ? Aqueste estiu sortissiam un Diari n°68 “Especial Jòcs”, amb un fum de causas en mai de d’acostuma : cobèrta jogabla, personatge de retalhar e colorejar (e ne recebèrem de plan polits), jòcs de lenga…
Coma sèm gentes, per Nadal vos balham a gràtis aquesta matèria, çò que vos regaudirà tan per la classa se sètz professor·a o regent·a, coma pel l’ostal, se jamai vòstre budgèt presents es, ongan, tròp limitat…
Descargatz, estampatz, jogatz !
Passatz la mirga per la frisa dejós, sus l’afar que vos interèssa ; una boita de dialògue se dobrirà, que vos prepausarà de lo telecargar.
Aquò vos agrada ? Pensatz de vos abonar al Diari, de far abonar vòstre establiment/mediatèca, e podètz tanben far un don !
Bonas fèstas a totes e a totas !
Jòc de l'Auca (A3)
Un jòc de l'auca Lo Diari, de 2 a 4, version estampabla en A3 (42 x 29,7 cm)
Règlas, dats e pions
Tot lo material pel jòc de l'auca del Diari
Lo jòc de Danielon
Un personatge de retalhar, vestir e colorejar
Dires de biais
Un jòc imatjat amb d'expressions occitanas.
Jòc de l'Auca (A4)
Un jòc de l'auca Lo Diari, de 2 a 4, version estampabla en A4 (21 x 29,7 cm)
