Tolosa, vila occitana
Tolosa, vila occitana
Tolosa, vila… occitana ! Quina suspresa ! Òc òc, qu’ei ròsa tanben, qu’at sabem. Mes sus ÒCtele, qu’avem justament ua emission qui s’apèra atau : Vilas occitanas. Òc, que ve n’avem dejà parlat. Mes e sabetz qué ? Un episòdi pro recent que trata precisament de… ratatatam… suspresa… la vila ròsa, Tolosa !
Ua librària de’quiu, Marion Laignelet, que v’i parla de street art (art de rua) en la carrèra Gramat, mes tanben de lòcs emblematics coma l’esplanada deu Pòrt Vigueria, Les Abattoirs dab quauques explics sus l’artista Orlan qui èra expausada dens lo musèu, e enfin l’Ostal d’Occitània. Atau que’ns desvela Marion quauques punts istorics, culturaus o quitament de la vita vitanta de Tolosa.
L’emission qu’ei bracòta (drin mei de 6 minutas) mes ideau entà descobrir o tornar descobrir aqueths endrets de la vila, abans d’anar s’i passejar.
En Vilas occitanas, que poderatz tanben trobar episòdis sus autas vilas e vilatges coma Sumena, Albi, Najac, Nimes, Fijac, La Grassa, Vilanuèva d’Òut, Còrdas, Besièrs, Pàmias, Lombèrs e Samatan, e autas vilas qu’arriberàn drin a drin. Ne’vs disi pas las quaus, que serà ua… suspresa.
Anem, que v’at disi totun : qu’avem recentament dat un torn per las beròias tèrras d’Arièja (mes pas sonque). Mes sho ! E tè, quin disetz “spoiler” en occitan ?
Tots los episòdis que son disponibles sus octele.com e suu YouTube d’ÒCtele !
