Seleccionar una pagina

Tòca-Maneta

0 |

Entre nautres

Maniaires de maneta, pataunhaires de botons e esportius de canapè, adissiatz !

Quò es rare, per un juec video, d’aver una segonda vita. Manca los juecs de tir, competitius, que pòden amassar dau monde pendent quauquas annadas avant d’alassar, en generau avem leu fach de passar a autra chausa. Dau còp quand un juec, qu’era confidenciau a son lançament, comença quauques temps après de venir popular, forçadament quò atira l’atencion ! Per Among Us, quò es un pauc çò que s’es passat : quand suert en 2018 quò marcha pas tròp per eu, e ‘rieba pas a despassar los 50 jugaires a l’encòp, tots país confonduts ! Fau dire qu’es pas ben brave : emb sas fenestras mau ‘dobadas, son dessenh e sas animacions simplas, sembla a un juec Flash sus navigator (RIP pitit àngel partit tròp tòst) de las annadas 2000. Quò es lo streaming, e los creators de contengut en linha, que li bastissen sa popularitat, dos ans apres sa surtida, e daus 50 paubres jugaires dau començament, Among Us monta a mai d’1,5 milions ! Un miracle per la tota pita equipa que desvelòpa lo juec, InnerSloth, mas tanben una charja de trabalh enòrma vist que deven aumentar lo nombre de servidors per permetre a tot lo monde de jugar, pertot e sus totas las plataformas (ordenadors, consòlas e tanben telefonets).

Coma explicar queu succès ? Quò ten segurament a son sistema de juec : dins un equipatge de pitits bonòmes (dietz maximum) perduts dins l’espaci, un o mai d’un impostors se son ‘captats. L’equipatge deu donc realizar de las taschas correntas pendent que lo faus membre eissaia de los tuar, un per un. Siá i arriba, siá los equipiers recuperan daus indicis que permeten de saber lo quau d’entre ilhs es lo traïdor. A queste moment, convòcan una assemblada d’urgéncia, eschamnhan lurs elements, parlan, e vòtan per eliminar quauqu’un. Plan segur, l’impostor es tanben aquí present, e pòt completament se defendre, acusar quauqu’un mai, etc…

Quò vos rapela quauquarren ? S’avetz desjà jugat au Leberon, lo juec de societat, autrament dich Les Loups-Garous de Thiercelieux, vos trompatz pas. Quò es un pauc parier, mas transpausat dins l’ambient daus filmes Alien o The Thing, e emb daus minijuecs en mai.

Las mecanicas son pro aisadas e fau pas tròp de temps d’eissais per préner Among Us en man e compréner coma fonciona. Quò será ‘laidonc possible de lançar una pita partida, per s’amusar cinc minutas, o vint. E per èsser amusant, z’es ! Sovent partiretz de rire, de bon còr o nerviosament, per çò que l’equipatge que se fai desquilhar comença de far n’impòrta qué, tot lo monde se mésfia de tot lo monde, quò monta, quò s’escharpís e per ‘chabar, au mitan d’una darriera amassada desordenada, un membre d’equipatge se fai catapultar dins l’espaci… mentre qu’era 100% innocent !

Çò que podiá èsser la feblesa d’Among Us a la debuta ven un pauc sa fòrça a la fin : es simple d’accès, grand public, pas char (comptar mens de 5€) e quò es possible tant de lançar ‘na pita partida aperitiva emb quauques amics coma d’i passar ‘na nuech a afinar sas tecnicas au contacte de jugairitz e jugaires venguts de pertot.

Aqueste contengut vos es ofèrt per :

Bloc-marque OPLO

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.

A prepaus de l'autor

Tristan Gahús

Tristan Gahús es l'escais, coma aquò se fa dins aquel mitan, de qualqu'un qu'aima plan los videojòcs e qu'es prèste a partatjar sa passion en occitan. Autor de detzenas de cronicas, de còps radiofonicas, sus las sortidas recentas, chafradas Tòca-Maneta, tòrna sul Diari amb una novèla formula, mai larga e mai "trans-mèdia", coma se ditz en occitan blos !

Soscriure
M'assabentar quand
0 Comentaris
Retorns en linha
Veire totes los comentaris

Crompar Lo Diari

Los pòdcasts

Los darrièrs clips

Cargament...

La letra del Diari

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.