Seleccionar una pagina

Dorsièr

0 |

L’occitan suls rets socials : una ressorsa amagada

En territòri occitan, la lenga fa partida de las riquesas tan naturalas coma culturalas. De còps considerat coma lenga mòrta, parièr coma lo latin, l’occitan es pasmens plan mai parlat que çò que lo monde creson.

Pertot tòrna de mòda, sul davant de l’empont, al prèp de joves generacions que vòlon benlèu se sarrar de lor cultura o quitament d’aquesta « lenga estrangièra » que parlan lors rèires. Amb las aisinas numericas de difusion e de promocion qu’avèm al jorn d’uèi, l’occitan demòra pasmens dins la sornièra, conegut sonque d’aqueles qu’o agachan amb interès. Mas de qué n’es vertadièrament ?

Sus Facebook, trobam de paginas occitanas, a condicion de las cercar : gaire de mesa en avant, pas de reclama, mai sovent son de paginas de grops d’estudiants o d’aprenents que s’entrajudan dins lor aprendissatge (S’ajudar en occitan, amb un milierat de membres), de personas en ligam amb lo patrimòni (Région Occitanie : histoire et patrimoine, amb 40,9 KNDLR : totes los rets socials afichan los milièrs amb la notacion K (per kilò), en seguissent en aquò lo Sistèma internacional d'unitats (SI). Avèm causit de reproduire las causas aital coma nos son presentadas. membres, mas s’i parla francés), la politica (Partit Occitan amb 5,2 K seguigueires) e/o lo monde cultural occitan (Aquò d’Aquí amb 2,3 K seguigueires), d’adultes, de professors, mas un public per la màger part dins la classa d’atge dels mai de 30 ans, coma se pòt remarcar en espepissant los diferents perfils del monde.

Una de las paginas benlèu mai coneguda e seguida sus Facebook, que se tòrna tanben trobar sus Instagram es ÒCtele (gaireben 5 K membres sus Facebook, un milierat sus Instagram), la cadena de tele occitana, pauc promoguda, e agachada mai que mai per d’usatgièrs de la lenga e de la cultura occitana.

Sus Instagram, aqueste rapòrt se tòrna trobar çaquelà a travèrs las paginas toristicas, qu’incluson los parlars occitans, emai foguèsse a de fins promocionalas, amb la tòca d’insistir sul caractèr e l’autenticitat de la Région Occitanie (laregionoccitanie, occitanieatoulouse, occitanietourisme, etc.). Totjorn sus aqueste ret, Ig_occitania utiliza l’occitan e es clarament un dels comptes mai populars amb 10,1 K d’abonats, quand los autres comptes occitanofònes culminan a mens d’un milièr d’abonats.

Lo constat general es una manca de comunicacion e una utilizacion redusida d’aisinas pertant propícias al desvolopament de la lenga e qu’apareis indispensable de mestrejar uèi. Mas demòra viva, transmesa amb passion e una libertat creissenta, e l’engatjament per la cultura es fòrt e passa las generacions. Un cambiament es ara a se far, e la transmission orala e escolara se deu acompanhar amb fòrça e ardor del sosten luènh d’èsser negligible d’Internet e dels nombroses rets socials, suls quals passam plan de temps.

Version audio :

L'occitan suls rets socials

by Votz | Lo Congrès permanent de la lenga occitana

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.

A prepaus de l'autor

Laure Gonzalez

Laure es estudianta a l'Universitat Tolosa Joan Jaurés.

Soscriure
M'assabentar quand
0 Comentaris
Retorns en linha
Veire totes los comentaris

Crompar Lo Diari

Los pòdcasts

Los darrièrs clips

Cargament...

La letra del Diari

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.