Seleccionar una pagina

Scopitòne

0 |

Benvenguts a bòrd – Lo Gran Bal Dub

Qu’èm pròches de la fin de la nosta civilizacion : e’n voletz ua pròba ?

Sergio Berardo, cantaire de Lou Dalfin, que veng de sortir un disc navèth a las colors… dub-dance !

Aqueste projècte navèth aperat Lo Gran Bal Dub que’s vòu estar un barrejadís de musica tradicionau e de musica electronica : qu’ei l’arresultat de l’encontre entre lo fondator deu grop Lou Dalfin e de Madaski, referéncia de la musica dub en Italia e originari tanben de las valadas occitanas d’Italia.

Lo prumèr disc aperat Benvenguts a bòrd qu’ei actuaument en telecargament liure suu site deu grop.

N’èi pas aimat los adobaments sus las cantas Al festin o La sanha, tròp « dance » au men gost. Per contre, au bèth miei d’aquestas produccions, qu’i trobam totun moments de grana qualitat notadament dab los títols com Nostra mar e The Job, on la sauça tradi-dub que pren de coma cau.

Que coneishem l’estacament de Sergio Berardo a la nocion de musica populara, e qu’a tostemps avut en cap de mesclar la musica tradicionau a las influéncias actuaus. Qu’ei enqüera lo cas aquiu dab Lo Gran Bal Dub, en plea fasa dab la mòda actuau. Ua mòda on los baturs e los percussionistas e son estremats au profieit de las machinas (que durarà un temps, aquò). Après 35 ans de concèrts dab Lou Dalfin, Sergio Berardo que’s paga dongas aquiu ua escapada electronica, çò de qui’s pòt compréner. Jo que’m triga de véger aquò sus l’empont, mès lo men còr de rocker que demorarà fidèu a l’estetica de Lou Dalfin, de qui consideri com los Pogues occitans. Tot aquò que’m hé d’alhurs pensar a un títols de disc deus Wampas : Never Trust a Guy Who After Having Been a Punk, Is Now Playing Electro.

Didier Wampas qu’a rason… mes que haram ua excepcion dab Sergio Berardo !

A prepaus de l'autor

M’aboni !

Anóncia

Los darrièrs articles

Los darrièrs clips

Cargament...

La letra del Diari

Soscrivètz a nòstra letra d'informacions !

Soscrivètz a nòstra letra d'informacions !

Vos prepausam de vos abonar, en dos clics, a una letra regulara que vos tendrà assabentat·da de las sortidas dels novèls Diaris papièrs e de la publicacion d'articles novèls.

Avètz soscrich amb succès !