Pop Canton #01 amb Emilia Castanhèr
Pop Canton #01 amb Emilia Castanhèr
Venètz, venètz, del costat pòp de la cultura, i sèm plan plan plan ! De qu’es aquò la “pop culture” ? Cadun n’aurà sa definicion, e es plan d’aquò que s’agís : far parlar un·a convidat·da de sa cultura personala.
Emilia Castanhèr es jornalista a França 3 (edicion occitana, Viure al País) e Ràdio País.
Long de rubricas aprestadas per Guilhem Gratiolet, compartís sas passions per Forrest Gump, Futurama, Kaamelott, Charmed, The Office, Moby, Moussu T, Quentin Dupieux, Rammstein, Fabcaro, la Familha Passiflòra, lo Monopoly (edicion Tarn e Garona, plan segur), los collectatges e lo roman de Flamenca. Entre mila autras causas !
👉 Pop Canton ❔
Al canton de la cultura pòp s’i tracha de literatura, de cinèma, de BD, de serias, de jòcs vidèo o de societat, de musica, de dessenhs animats, dins un occitan que se daissa anar suavament.
E lo Guillaume a çò que cal dins sa granda saca fluò per metre d’aise lo monde e los butar a confisar çò que ne fan çò que son : gostes (bons o dobtoses), sovenirs d’enfança e retorns cap al futur, còps de còr e còps de morre, tendrums, tissas, manias de tota mena… 🤩
Tornatz trobar totes los podcasts del Diari aquí o sus las plataformas que vos agradan :