Seleccionar una pagina

Libe Joens

0 |

Lo mainatge de nèu / Lo drollisson de névia

L’ivèrn es aquí… amb lo fred e lo gèl que permeton a la natura de se pausar, un temps. Benlèu veirem lèu los pichons borrilhs blancs que tomban del cèl per nos donar a veire de païsatges cremoses que lo bruch de nòstres passes s’i amortís amb la nèu.

Aquela nèu blanca mena amb ela la serenitat e la tranquillitat. La nèu es tanben anonciadoira de transformacion. De segur fondrà e daissarà sa plaça a una natura tota jove, tota nòva.

A Tolosa, la vesèm pas sovent, la nèu… Benlèu dins Lemosin n’i aurà pro per far un mainatge de nèu ?

Ten ! Aquelas erranças me fan pensar a un conte que ven dirèctament de la tradicion orala de Lemosin. Lo primièr a publicar, en 1978, l’istòria d’un mainatge de nèu es Georges-Emmanuel Clancier, escrivan e poèta nascut a Limòtges.

A l’ora d’ara, son Sergi Mauhorat e Domenja Decamps que nos prepausan una adaptacion del conte, en occitan, dins tres dialèctes : Lo drollisson de névia (lemosin), Lo mainat de neu (gascon), Lo mainatge de nèu (lengadocian).

 « Un còp èra bèl temps i a, del costat del planòl de Milavacas, dins un ostalet, vivián un vièlh e una vièlha. Tota la vida s’èran aimats mès avián pas jamai ajut cap d’enfant e z’avián fòrça plan plangegut.

Aquesta annada, se botèt a nevar lo primièr jorn de l’ivèrn.

L’òme diguèt a la femna :

– Vèni, vèni viste, fasquem un mainatge de nèu, li balharem nòstre nom, aquò serà nòstre enfant ! »

 Es coma aquò que comença la vida del mainatge de nèu, beluguejant de blancor e rescalfant los còrs de sos parents… Fait de nèu, lo mainatge de nèu mena sos parents dins lo bonur dels moments uroses de la vida, de la transmission e del partatge. Lo mainatge de nèu es fait de nèu, la nèu es faita d’aiga, e l’aiga pòrta en ela l’istòria del monde que lo mainatge va contar e partejar.

Mas, es escrich, la nèu fond… e a la Sant Joan, amb lo fuòc que cal sautar, lo mainatge desapareisserà. E lo cicle de la vida tornarà començar…

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.

A prepaus de l'autor

Marion Laignelet

Marion es en carga de la Tuta d'Òc, librariá occitana de Tolosa (Ostal d'Occitània) bailejada per l'IEO 31. Librària de profession, s'interèssa fòrça a la literatura pels dròlles e nos parteja aquel interès dins Lo Diari.

Soscriure
M'assabentar quand
0 Comentaris
Retorns en linha
Veire totes los comentaris

Crompar Lo Diari

Los pòdcasts

Los darrièrs clips

Cargament...

La letra del Diari

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.