Seleccionar una pagina

Dorsièr

0 |

Lo cinemà en occitan amb Òcvod

Avètz enveja d’agachar un filme en occitan en familha e sabètz pas cossí far per trapar aquò sulpic ? Una novèla plataforma de streaming (mejan que permet, amb l’ajuda d’internet, d’agachar un film o d’escotar de musica, sens aver a descargar un fichièr sus l’ordenador) en occitan ven d’aparéisser, es unica e se sona Òcvod ! Aquela novèla plataforma VOD (e l’anglés “Video On Demand”, vidèos disponiblas a la demanda, sus catalòg) es sortida lo 7 de decembre de 2020, e es un servici creat per l’associacion Conta’m.

Conta’m es una associacion qu’a per tòca de participar al desvolopament del paisatge audiovisual en lenga occitana. Per aquò Conta’m fa mantuna accion coma : de projeccions cinematograficas, d’intervencions dins las escòlas, d’edicions de DVD, e fan, amai, de formacions de doblatge en ligam amb Pixel òc. Lor mission principala es de reprodusir de filmes d’animacion en lenga occitana e de ne far la distribucion.

Per crear aquela plataforma, Conta’m s’es associada amb l’associacion bretona Dizale qu’aviá ja una plataforma que se sonava Breizh VOD. ÒCvod foguèt creada per anar cap al futur, per veire al delà del DVD que tendrà a desaparéisser dins las annadas que venon. Per Conta’m es un biais de difusar e partejar totes los filmes qu’i an ja trabalhat dessús. Es, subretot, un bon mejan per difusar la lenga occitana a un public mai larg. ÒCvod prepausa mantuna possibilitat per poder veire los filmes presents sul catalòg dirèctament del vòstre salon. Podètz soscriure un abonament amb ÒCvod+, logar un film per una durada de 48 oras, e podètz tanben crompar de DVD que seràn liurats en cò vòstre. Conta’m a subretot doblat de films d’animacion, mas a fach tanben mantuna produccion amb los Estúdios Canal coma : Ernèst e Celestina, Heidi, Terminator 2… Per las escòlas que se volrián botar als filmes en VOD, i a una formula dedicada, prepausada en associacion amb l’OPLO pel lançament de la plataforma, e aquò fonciona, ja 40 escòlas se son inscrichas !

Per una plataforma VOD, es pas comun de veire prepausar una formula de venda de DVD, mas coma o diguèt Ludovic Gillet, administrator de produccion, « Nous on adore le DVD ». Per Conta’m es un mejan de tocar un public qu’a pas forçadament d’ordenador o de connexion internet e en mai d’aquò, es un biais de far aparéisser la lenga escricha : dins los menuts, los bònus, e los capítols. Es tanben un biais de botar la pata artistica de Conta’m dins los filmes.

S’avètz paur de pas trapar lo vòstre parlar dins l’ofèrta, pas de panica, pel moment tres dialèctes son representats : podètz trapar de gascon, de lengadocian e de lemosin. E s’aquò vos a pas encara convençuts, i a los sostítols que podètz trapar en francés o en occitan (per qualques produccions). E, plan segur, cada doblatge es fach per l’associacion Conta’m qu’es lo partenari de Pixel oc e de la companhiá Lilo, bailejadas totas doas per Laurent Labadie que n’es lo director artistic.

S’avètz enveja de vos botar al doblatge, Conta’m, Pixel òc e la companhiá Lilo prepausan d’estagis, es benlèu lo moment d’ensajar !

E se volètz soscriure un abonament, la locacion d’un film per 48 oras es de 4,99 €, l’abonament mesadièr es de 5,99 € e l’abonament annadièr es de 4,99 € per mes. Per crompar un film, cal comptar al minimum 3,55 €.

Version audio :

Lo cinèma en occitan amb ÒCVOD

by Votz | Lo Congrès permanent de la lenga occitana

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.

A prepaus de l'autor

Noémie Dressayre

Noémie es estudianta d'occitan a l'Universitat de Tolosa Joan Jaurés.

Soscriure
M'assabentar quand
0 Comentaris
Retorns en linha
Veire totes los comentaris

Crompar Lo Diari

Los pòdcasts

Los darrièrs clips

Cargament...

La letra del Diari

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.