Lo costat escur d’Overwatch
Lo costat escur d’Overwatch
Lo costat escur d’
Ocverwatch… perdon, Overwatch. E se vos disiái qu’es un videojòc plan mens innocent e colorat que nos sembla ? Es gaireben un jòc cobèrt d’un lençòl negre, lo de la mòrt. E soi pas a charrar de Dalhaire (Reaper) aquí, mas plan de tragèdias.
Lo Pan European Game Information o PEGI es un sistèma d’avaloracion dels videojòcs que permet d’informar los crompaires e lors parents sul contengut d’un jòc. Pren la forma d’un sagèl amb una classificacion per atge e, se n’i a, per tipe de contengut dich « sensible ». Lo Pan European Game Information o PEGI es un sistèma d’avaloracion dels videojòcs que permet d’informar los crompaires e lors parents sul contengut d’un jòc. Pren la forma d’un sagèl amb una classificacion per atge e, se n’i a, per tipe de contengut dich « sensible ». Per començar, cal dire d’evidéncias : es pas un jòc pels nenons, es violent e reservat a los qu’an mai de 12 ans (soi pas ieu qu’o disi, es PEGILo Pan European Game Information o PEGI es un sistèma d'avaloracion dels videojòcs que permet d'informar los crompaires e lors parents sul contengut d'un jòc. Pren la forma d'un sagèl amb una classificacion per atge e, se n'i a, per tipe de contengut dich '' sensible ''. ). E se, contràriament a d’autres jòcs de tir coma Call of Duty, Battlefield o Counter-Strike, escapa a un « enebit als mens de 18 ans », es de mercé a son estil un pauc cartoon e son ton de còps descalat. Dins aquesta dralha, podèm dire qu’es un monde emplit d’engenhs de mòrt. Delai las armas « convencionalas » (pistolet, mitralheta, granadas…), trobam fora-borra un canon electric, un canon lasèr, una arma sonica, un canon a glaça, un pistolet per riblar… Mas la mai dangierosa de totas, la que me fa tremolar a cada còp que la vesi, es un assortiment de bolas de petanca. Plan de personatges son tanben d’armas en eles, entre las modificacions geneticas e los implants cibernetics, a l’imatge de Dalhaire, Soldat : 76, Genji, Sojorn… En seguida de tot aquò, vesèm paréisser un questionament del jòc sus de problematicas scientificas e d’etica amb lo transumanisme (Moira), las modificacions geneticas (Winston o Boldosèr/Wrecking Ball), l’immortalitat (Àngel/Mercy e Mei), lo mite del « supersoldat » (Soldat : 76, Dalhaire…), la robotica e las intelligéncias artificialas (Echo, Atena)… Mentre qu’es sonque suggerit, lo jòc nos interròga sus las questions de corporatisme e d’espionatge industrial, subretot de mercé a Symmetra e Lúcio o LumériCo. De mai, i es presenta la tematica del complotisme amb Sombra.
Una segonda granda tièira de problematicas pausadas per OW (Overwatch) es ligada a la societat, los que la compausan e lors interaccions. D’en primièr la familha, entre d’ostaladas estrifadas (Amari, Shimada, Junkers), d’amors complicadas o decebudas (Cassidy e Ashe, Reinhart e Ana, Fatala e Gerard), entre familhas de sang e familhas de còr (Talon, Overwatch, gang Deadlock)… Fins a las relacions amorosas amb lo subjècte de l’omosexualitat pel biais de Tracer e Soldier 76.
Pr’aquò, OW es pas forçadament un monde de tolerància e d’acceptacion e trobam tot un pan de regèt social (Reina dels Junkers, Chacal/Junkrat e Chopper/Roadhog) cap a la segregacion e la persecucion dels omnics, de robòts umanoïdes intelligents, que va provocar la « Crisi dels Omnics » e una guèrra durabla (çò que butarà a la creacion d’Overwatch, l’organizacion cargada d’eradicar los omnics insurgents). En acompanhament d’aquò, es un monde emplit de criminalitat amb d’individús coma Chacal e Chopper, de màfias (Los Muertos, Shimada), d’organizacions militaras e terroristas (Front de Liberacion Australian, Talon).
E se la quita Overwatch foguèsse una organizacion terrorista ? Agachem amassa. Es una organizacion militara, qu’ara agís en defòra de la lei (e tanben contra la lei) per rendre una justícia. Esita pas per aquò far a tuar, de còps sonque d’umans qu’an rejunt Talon per revòlta o per misèria. Dins aqueste esperit, creèt l’unitat Blackwatch, ara dissolguda. La nocion de criminalitat per qualificar Overwatch es d’alhors dirèctament mencionada dins la vidèo Are you with us ? Puèi cal pas oblidar que fraudèron los impòsts ! Galejada a part, se pausa çaquelà la question del finançament d’una tala organizacion…
Ne volètz apréner mai sul monde d’Overwatch, sos personatges e lors istòrias ?
