Robèrt Lafont, una votz occitana dins lo sègle – un eveniment Lo Diari !

Se pòt dire que la rintrada es un bric cargada per Lo Diari !

Atal lo 30 de setembre venent a 16h, a la Bibliotèca d’Estudis e del Patrimòni de Tolosa, farem omenatge a Robèrt Lafont, amb un eveniment consacrat a aquela figura importanta de l’occitanisme. Coma podètz veire sus l’aficha, i aurà una taula redonda amb de personalitats que coneguèron l’òme o coneisson son òbra (Clara Torrelhas, Joan Ives Casanova, Alain Alcouffe, e d’autres de confirmar…) puèi un pichòt torn de cant de qualques poèma del mèstre meses en musica per Eric Fraj, amb la complicitat de son guitarrista Morgan Astruc. E aquò dins l’encastre del festenal Occitania.

Se fasèm tot aquò es que mai d’ora dins l’annada decidiguèrem de participar al centenari Robèrt Lafont, una operacion regionala gavidada pel CIRDÒC – Institut occitan de cultura, en lor prepausant de far çò que sabèm far : un Diari especial ! Aqueste fòra seria gratuit, elaborat amb l’ajuda de cercaires, d’universitaris e universitàrias e personas que costegèron l’autor serà doncas tanben presentat aqueste 30 de setembre.

Per ne saber mai, vos caldrà doncas venir a Tolosa !