Pop Canton #03 amb Paulin Courtial

😎 Venètz, venètz, del costat pòp de la cultura, i sèm plan plan plan ! De qu’es aquò la “pop culture” ? Cadun n’aurà sa definicion, e es plan d’aquò que s’agís : far parlar un·a convidat·da de sa cultura personala. 🎙️

​
👨‍🎤 Paulin Courtial es guitarrista e cantaire, dins lo duò ròck CXK amb Dimitri Kogane, o encara dins lo grop de bal Mbraia amb Arnaud Cance. 🎸

💝 Long de rubricas aprestadas per Guilhem Gratiolet, compartís sas passions per la literatura, en papièr o en àudio, de la SF americana a Joan Bodon, Harry Potter e sa fin mascanhada, Alexandre Astier, Dune e Denis Villeneuve, puèi la musica plan segura, de Queens Of The Stone Age, György Ligeti… amb de digressions sul trabalh de sound design al cinèma e la revelacion d’aquesta estela ròck occitana pel basson quand èra al conservatòri ! 🎶
​

👉 Pop Canton ❔

🎮 Al canton de la cultura pòp s’i tracha de literatura, de cinèma, de BD, de serias, de jòcs vidèo o de societat, de musica, de dessenhs animats, dins un occitan que se daissa anar suavament. 🏖️

🎒 E lo Guillaume a çò que cal dins sa granda saca fluò per metre d’aise lo monde e los butar a confisar çò que ne fan çò que son : gostes (bons o dobtoses), sovenirs d’enfança e retorns cap al futur, còps de còr e còps de morre, tendrums, tissas, manias de tota mena… 🤩