L’IEO Aude e l’editor Tròba Vox se son associats per fin de vos presentar un libre d’omenatges al poèta de lenga occitana Miquèl Decòr (1949-2021), a la seguida de sa disparicion. D’autors e d’actors de la cultura occitana i son venguts contribuir fraternalament e amb gratitud. Al grat de l’obratge, trobaretz reeditats lo recuèlh poetic Passejada Menerbesa, en occitan, francés e italian, puèi unes poèmas del cap de l’an, d’extraits de correspondéncia e un assag de biobibliografia d’aqueste enfant del Menerbés, autor e militant tròp lèu disparegut, e qu’a marcat son temps.