Seleccionar una pagina

Scopitòne

0 |

Boisson Divine – Volentat (Brennus Music/2016)

Dempuish un detzenat d’annadas, la Gasconha que s’impausa, e de faiçon clara, com la soleta sorga de creacion musicau en lenga occitana laguens un estile ròck-metau.

Hantaoma, Stille Volk, Arnapi, Gojats of Hedàs, o enqüèra Papà Gahús (tà non citar qu’eths!) que’s son hèits ambaishadors d’ua dobla cultura ròck-occitana, tostemps en ligam dab la tasca vascona.

A la popa d’ua lenga gascona de qui arrapa las lengas e las amnas, arren de miélher tad aquestes musicians-precursors qu’ua guitarra saturada e ua bateria esvarjada entà portar la paraula d’un pòble de qui’s vòu pas carar.

E que n’i a un aute grop de qui’s vòu pas carar, qu’ei lo grop Boisson Divine, tots originaris deu Gèrs, de qui venguen de sortir lo sué dusau disc aperat Volentat.

E francament, aqueth disc qu’ei ua escaduda de las bèras, on se pòt enténer, avisatz-ve amics, çò de qui considèri jo com lo mes bèth tube de ròck occitan deu monde dab la canta Quin braguèr … eh tiò, mossur curè, la goja que hè braguèr quan escota lo disc Volentat ! La pèth deu diable !

Adaptacions de cantas tradicionaus que son enviadas dab hòrça e eficacitat com los tilholèrs, en tot deishar la plaça a la creacion, dab la cançon en auròst a la nosta dauna de Brassempoi, de qui sembla lançar ua reflexion sus las originas deu noste pòble gascon, dab ua finessa admirabla laguens l’escritura. La canta Pujar en fin de disc que poderé devénguer un imne en capablor d’estruçar l’Immortèla de Nadau, e que dèishi a càger ua lagrema dab la cançon Los invisibles, enas dralhas d’un Jan deu Sabalòt e deu son tèxte Nosauts qu’èm los petits.

Fin finau, se cau qualificar aqueth disc, que diserí un mot : sinceritat!

Boisson Divine que respectan l’energia deu ròck, la rigor deu metau, e la poesia paisana gavidada en gascon per òmes com Alban Destournes o Marius Noguès (tà non citar qu’eths…enqüèra!). Baptiste Labenne e los sons amics que’s son hicats, dab umilitat e simplicitat, au servici d’un pòble gascon de qui non gausa pas quauques còps de díser çò que pensa…l’afront qu’ei adara estruçat !

Longa vita a Boisson Divine, e sustot, contunhatz de cantar en gascon, lo noste avénguer no’s pòt escríver en lenga administrativa !

A prepaus de l'autor

M’aboni !

Far un don al Diari

Lo Diari, coma tota la premsa emai la premsa occitana, patís d'una situacion malaisida. Aquí vos perpausam de sosténer la cultura en occitan. Cada don compta !

Anóncia

Los darrièrs clips

Cargament...

La letra del Diari

Soscrivètz a nòstra letra d'informacions !

Soscrivètz a nòstra letra d'informacions !

Vos prepausam de vos abonar, en dos clics, a una letra regulara que vos tendrà assabentat·da de las sortidas dels novèls Diaris papièrs e de la publicacion d'articles novèls.

Avètz soscrich amb succès !