Au cap de mantua òra de camin, gorpit, mentre que pensatz estar esbarrit a tot jamei en aqueras montanhas desconeishudas, mentre que lo só e cabussa dejà e que v’ètz resignat, un còp mei, a dromir sus la tèrra dura, a l’esventada, devath gaspas d’estelas torradas, qu’arribatz, ò miracle, a un refugi.
Ne legir mai
En 1988, Patrick Modiano que cad per escàs sus un avís de recèrca, pareishut en un numèro de France-Soir deu 31 de deceme de 1941 : Dora Bruder, ua gojata de quinze ans, qu’a desapareishut. De cap a cinquanta ans après, Modiano, com s’èra investit d’ua mission, que’s hica en cèrcas de la joena escapadora peu París negre de l’Ocupacion : lo París de l’estela jauna e de las gaheradas, deus internaments e de las deportacions, deu quau, un còp la guèrra acabada, daubuns e s’i son esmerats a boishar lo sovier. Mercés ad aquera enquèsta que hasó anar pendent mantua annada, Modiano qu’a sauvat Dora Buder deu desbromb e, tot au còp, que l’a balhat ua sòrta de sepelida : un libe qui, com ua modèsta pèira tombau, e pòrta, tot simplament, lo son nom.
Ne legir mai
Felip Biu cauma pas : un an aprèp un primièr recuèlh de novèlas, cronicat dins un Diari fantastic, lo segond arriba. Se la dralha es totjorn fantastica/sciéncia-ficcion/anticipacion dins las pesadas de mèstres del genre, d’Asimov a Lovecraft, lo talent de l’autor per aquesta literatura de genre s’espandís dins los marges.
Ne legir mai
Que s’i passa vertadèrament l’ivèrn quan Avajon e la familha ivèrnan ?
Que hèn las autas bèstias ? An hred ? Que minjan ?
Qu’ac vatz descobrir en aqueste àlbum drin diferent…
Lionel Labòrda gahèt lo calam au començar deu sègle. Premiat mantun còp dens concors de poesias (Calams bearnés, prèmi Xavièr Navarrot, Nosside, prèmi Simin Palay deus Jòcs Floraus deu Bearn…), qu’a causit trenta cinc poèmas entà afaiçonar aqueth recuelh. Uas poesias deu recuelh que son cantadas per l’autor hens lo CD Lo Hat de SAPS, pareishut en 2016.
Ne legir mai
Ua navèra escolana qu’ei arribada a l’escòla de Joaneta. Que s’apèra Iliana, qu’ei refugiada. Las duas poquetas que s’amigalhan a l’entorn de la lor passion comuna, l’astronomia. Que dessenhan sauneis e estelas, que parlan de sciéncia e de migracion, que minjan coquets, plan assobacadas en ua cabana au bèth miei d’un arbo.
Ne legir mai
Lo Nadal del Diari 2023
Original price was: 34,00 €.27,00 €Current price is: 27,00 €.
Abonament a Lo Diari
De : 1,50 € / mes
Lo Diari (al numèro)
0,00 € – 5,00 €
