Seleccionar una pagina

Pilula Roja

Pilula Roja
Cobèrta sauta treuia

Pilula Roja

09/2020

Felip Biu cauma pas : un an aprèp un primièr recuèlh de novèlas, cronicat dins un Diari fantastic, lo segond arriba. Se la dralha es totjorn fantastica/sciéncia-ficcion/anticipacion dins las pesadas de mèstres del genre, d’Asimov a Lovecraft, lo talent de l’autor per aquesta literatura de genre s’espandís dins los marges. Pren clarament plaser a destimborlar lo lector, a li far paur, a lo far rire tanben, abans de nos susprene a la darrièra linha. Un còp acabada la darrièra novèla, que dona son nom al recuèlh, una autra casuda nos espèra, quand nos rendèm compte que Felip Biu, per son mestritge del ritme e de la mesa en scèna, per sa lenga trabalhada per semblar simpla, essenciala, es vengut un incontornable del fantastic occitan. E amb 2 recuèlhs de bon legir e a prètz modèst i a pas de rason d’i pas càser !

Felip Biu
Per Noste, 2020 (Occitan)
82 paginas
14 x 22 cm
5,50 €
ISBN : 978-2-86866-153-1

Supòrt :
Autor(s)/Editor(s) :
,
Resumit :

"Adonc, ja qu'avosse contribuit - o lhèu per'mor qu'avè contribuit - per las soas recèrcas a desvolopar la teoria de la gravitacion quantica d'anèths, presentada mei anar mei com ua rivau seriosa a la teoria de las còrdas entà unificar la relativitat generau e los concèptes de fisica quantica, Matthew qu'avè sentit, aubirat o comprés - ne sèi pas quau mot e convien lo mei - que las duas teorias, especulativas au delà, ne podèn pas miar enlòc. E la consciéncia aguda, dolorosa, d'aquera mauescaduda de l'esperit uman que'u deishè, ad eth qui avè dedicat la soa joena vita a descobrir los secrets de la matèria, com anequelit." E si precisament e valè mei non pas saber çò qui s'escon darrèr l'aparéncia de las causas ? Non seré pas mei avisat de refusar de préner la pilula roja quan nse'n hèn l'auhèrta ? A cadun de s'ac véder. Ua causa qu'ei segura : qu'ei un anar shens tornar.

Ne saber mai / Crompar
Soscriure
M'assabentar quand
0 Comentaris
Retorns en linha
Veire totes los comentaris

Crompar Lo Diari

Anóncia

Lo CalenDiari

La letra del Diari

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.

Los darrièrs clips

Cargament...