Seleccionar una pagina

Adishatz monde

0 |

Los mots entà béver

L’engèni deu nòste monde mòderne s’i hè tà hèr desaparéisher tot çò de l’ancian, totun dambe lo vin e la vinha, nani ! Que’s pòt escórrer lo temps, e que’s pòden melhorar las tecnicas e las atrunas, qu’ei atau, lo rasim s’estarà en la desca, lo vin en la barrica, lo broquet tà la tancar e fin finala l’escolet peu darrèr que tira. Entà brindar, santat ! E los veires a’s tustar dambe un pauc mensh d’estrambòrd ara que cau respectar la distanciacion sociala. Totun un còp hèitas las vrenhas, e borit lo rasim se’n mancarà pas de vins de tot escantilh tà s’ahrescar la garganta : borret, brusquet, picapoth, vinassa o vin de botelha tot que hè vente. Solide deus mòts peu maishant vin, lo qui pòrta suu cap, que balha lo còp de barrica e deisha hart estorceder, auèi coma bèth temps a, que n’i a fanègas ! Malaja peu praube gus atacat de la pintèra, lo bevet, lo popavin, lo que béve coma un trolhet, un sablàs, o ua tapaoèra, d’aquestes per eth, lo vielh grimòri gascon de d’EstalenxJean-François d'Estalenx, Dictionnaire français-gascon, Des notions aux mots, Editions Universitaires du Sud, 1993 que n’ei plen. Tanpòc cambian pas los conselhs tà s’avisar deus riscs de la beguda, totun shens nat esglàs peu pintaire d’autes còps, au contra, vertat :

Après la sopa un bohat de vin
Descomanda lo medecin

Rai peu mètge donc, que los aujòus se’n chautavan brica de la medecina. E deus cintats per carrèras dambe lo verbau prèst a seguir ? L’Onorat DambielleHonoré Dambielle 1873-1930, ô moun païs, Mémoire Gasconne, Savès Patrimoine, 2014 eth mème dins lo son roman comengés deu sègle passat sembla pas gaire chepicat. Ça ditz :

Un brave còp a chabròt
Draubish le còt

Òc, ben, a véser si dambe lo còth tanben s’aubrish la cleméncia deu jutge !

A prepaus de l'autor

Francesa Truflandier

Soi neishuda a Paris, de soca gascono-alpina. Èri ensenhaire en lenga inglesa. Èi viscut dins Gèrs dempèi 2002. L’occitan, que mis grans e ma maire parlavan tostemps amassa, m’i soi botada aquí dins lo men vilatge, puish dambe l’ajuda remirable deu Collègi d’Occitània, deu Cfpòc de Tolosa e de Seuvalada en Biarn, de la formacion professionau a Aush e mantun autes : l’Academia de gascon de Sheishan en Astarac, los talhèrs de lenga deu Gèrs a Saramon e en l’Isla de baish, l’estagi de l’escòla d’estiu de la Guépia. Ei tanben participat a l’arcuelh deu Felibritge aqui. Soi venguda ahuecada de literatura, d’istòria e d’escritura occitanas. Èi escriut articles per "País Gascons" la revista de Per Noste, e ua petita cronica dambe l’escaish nom deu "trauca-sègas" dins "Le petit Journal du Gers". M’interessan tanben fòrça lo patrimòni, la musica tradicionau, las danças occitanas e la literatura iberica (castelhan e catalan).

Soscriure
M'assabentar quand
0 Comentaris
Inline Feedbacks
Veire totes los comentaris

M’aboni !

Far un don al Diari

Lo Diari, coma tota la premsa emai la premsa occitana, patís d'una situacion malaisida. Aquí vos perpausam de sosténer la cultura en occitan. Cada don compta !

Anóncia

Lo CalenDiari

Los darrièrs clips

Cargament...

La letra del Diari

Soscrivètz a nòstra letra d'informacions !

Soscrivètz a nòstra letra d'informacions !

Vos prepausam de vos abonar, en dos clics, a una letra regulara que vos tendrà assabentat·da de las sortidas dels novèls Diaris papièrs e de la publicacion d'articles novèls.

Avètz soscrich amb succès !