Lo faisan amb de pansas
Lo faisan es sempre un pauc sec, alara se cosina plan a l’ola amb de pansas que son de gròsses rasims secs.
Ingredients
1 faisan
d’un quilò e mièg
200 g de pansas
de flòc de Gasconha
1 ceba
sal e pebre
grais d’auca
Preparacion
Atalhonar lo gal e atalhonar la ceba un còp pelada. Botar un culherat de grais dins una caçòla de fèrre a fòc suau. Quand lo grais serà fondut, i botar los talhs del gal e los rossir. Remenar amb lo culhièr de fusta que se rossiscan de cada part. Quand los talhs son daurats, los reservar. Sul pic i metrem la ceba e la rossirem tanben. La remenarem e tanlèu qu’aurà un pauc de color i ajustarem los talhs de faisan, i ajustarem las pansas e lo flòc de Gasconha, cobrirem amb d’aiga e pujarem lo fòc. O salpebrarem e baissarem la flamba per daissar bulir a fòc suau amb la cabucèla. Se cal, i ajustarem un pauquet d’aiga cauda. Al cap de doas oras e mièja o tres oretas o trairem de la caçòla e servirem.
Variantas
S’i pòt rostir d’alh. D’unes i botan un parelh de fuèlhas de laurièr. S’avètz pas de flòc, podètz far servir un vin blanc doç coma lo vin de Juranson.
