Preparacion

Començarem per pelar las cebetas e abocinar la carnsalada. Puèi plumarem los aucèls, lor coparem lo bèc, las patas e las puntas de las alas. Los flambejarem e los vuejarem. Los farcirem amb una cebeta, un pauc de carnsalada, una morilha que serà demorada dins l’aiga un parelh d’oras, lo fetge netejat de l’aucèl, un ramelet de farigola, salpebrarem e li cordurarem lo cuol amb fil de cosina e agulha.

Trocejarem las morilhas que demòran. Pausarem un cacet sul fòc amb un rag d’òli, a fuòc suau e quand l’òli serà caud, i metrem los perdigals e los rossirem. Remenarem amb un culhièr de fusta, los virarem que se rostiguen de cada costat, i ajustarem las cebetas que demòran e la carnsalada e quand los aucèls seràn rossits, i ajustarem un veire d’armanhac e flambarem. Quand las flambas seràn tombadas, i vuejarem un pauc d’aiga (sens cobrir los aucèls) e pujarem lo fòc. Salpebrarem e daissarem còser a fuòc suau. Al cap d’una mièja oreta, servirem los perdigals acompanhats de patanas bolhidas o amb de crostets de pan rostits.

Variantas

Se pòt tanben tampar lo cuol de l’aucèl amb un « capon », es un trocet de pan dur gradalhat.