Fotomatòn – Julien Sabouraud

Qué çò qui v’a motivat a har cervesa artesanau, e de’n har lo vòste mestièr ?

Au mes d’aost de 2013, qu’èram tres joens en cèrca d’activitat professionau. Que comencèm en har cervesa en amator, puish que visitèm bracerias, notadament en Bretanha. Que ns’a calut ua annada entà amassar los finançaments, apitar la partida administratiu, e lançar la Shuc, la cervesa artesanau biarnesa. A la debuta qu’èram tres gerents. Adara qu’èm dus gavidaires, Jean-Baptiste Mercier e jo.