Seleccionar una pagina

Umor

0 |

Sons e musicas, rambalh e bruches…

Sons e musicas, rambalh e bruches…

by Alan Roch | Umor

Sons e musicas, rambalhs e bruches…

La musica es un recampament de sons melodioses e armonioses, se pel mitan s’i bota pas un tiron (pro que siague pas de plastic) per faire desvirar las nòtas de las modulacions requistas.

Lo dissabte sant, las campanas son tornadas al campanal picar las oras que botan en colèra, al pic e al repic, malgrat los tenents de l’afichatge digital e lumenós (e silenciós) que fa qu’es jamai manca un quart mas 44, 45 o 46 ! E vaquí la musica de las brandidas que repren : Balalin-balalan ! Balalin-balalan ! 
Balarin-balaran ! Baralin-baralan !
 Baladin-baladan ! Badarin-badaran !
 Palalin-palalan ! Pananni-panannà !

Pel passacarrièra, nos agradarà mai de faire rampèl a l’armonia municipala puslèu qu’a una batucada tustaboitas. Seguirem los tamborns : Colin-tampon ! Rapataplan !
 Pan-pan ! Patapam ! Parapatapan ! Ranplan ! Seràn apiejats per las cimbalas : Chaplachòu ! Chapachòu ! Chipachòu ! Chaplòcha !
 Chechòpom ! Chin-na-na-chin !
 Chin-na-na-na ! Chin-na-na-pom !
 Gin-gin ! Din-din ! Unas cimbalas se maridaràn amb la gròssa caissa : Na-na-pom ! Checha-pom ! Farem virar lo riga-raga : Cri-cra ! Cric-crac ! Carin-carà ! Cracineta cracineta ! Rica-raca ! Riga-raga ! Ringa-ranga
 ! Charruscladèra charruscladèra
 ! Cran-cran !

Los Provençals ajustaràn lo galobet : Chichiu ! Richichiu ! Lo bessonaràn amb lo tamborin : 
Chichi-panpan ! Tutu-panpan ! Chichi-pompom !
 Parapatapan-parapatapan ! Lireta ! La vièla i anirà de sos cran-cran, cran-cran !

Tot aquò farà una plan polida musica : 
fa, fa, sòl, la
, mi, la, mi, re, mi, re, mi, fa. I anirem de quauques repics plan florits : Dondena, dondèina ! Don-don ! Drindondena !
 La dondondena, la dondondé ! E la dondon e la dondeta e la dondalireta ! Flon-flon ! Gringongueta ! Lalireta-larireta (e perqué pas la riseta – a l’objectiu ?) ! Ladereta-lanlà ! Lalà, lanlèra,
 lalèra, lalara, tranlèra…

Nos fasiam una fèsta de faire la fèsta e comptàvem pas brica sus ela que, d’aquesta passa, nos ven pas veire sovent : aquí la pluèja fina fineta finòta
 que tomba tomba que banha que banha
 e aquò fa : plic ! plac ! plòc ! plic ! plac ! plòc ! chic ! chac ! chic ! chac ! chic ! chac !
 chauca ! chaucha ! chauchabachàs !

• Contra-ut : Amb una raspa, farem de rap.

• Un bon rondèu deu correspondre al carrat de l’ipotenusa.

• Sovent la sansonha se fa ressega.

• Aniràs jogar de vièla a Vièlha.

• Caldrà causir entre la bodega de la Montanha negra e la bodega castelhana.

• Camba de feda e craba, aquò fa un polit tropèl de nòtas.

• Dançar lo tranquillon (en francés slow) rapròcha los amoroses de deman.

• Val mai faire trad que trash.

• Lo sintetizador es un brave barreja-aires.

• Aquela cançon monta al Tòp Se-Canta !

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.

A prepaus de l'autor

Alan Roch

Alan Roch foguèt institutor pendent plan de temps, avant de venir animator cultural, çò qu'explica perque consacrèt una part de son activitat a escriure pels dròlles. E a contar, qu'Alan Roch es conegut per sas istòrias inspiradas de la tradicion e de la vida del seu país (Carcassona), que salpica d'un umor ironic. Son agach agusat li val d'escriure de cronicas dins mai d'una revista o jornal, e notadament sul rugbi, que n'es un afogat de primièra borra.

Soscriure
M'assabentar quand
0 Comentaris
Retorns en linha
Veire totes los comentaris

Crompar Lo Diari

Anóncia

Los pòdcasts

Los darrièrs clips

Cargament...

La letra del Diari

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.