Seleccionar una pagina

Alandada

0 |

Quiz de l’estiu

Lo quiz de l’estiu sus las artistas deu moment, qui an mercat las sasons culturaus recentas !
Lo Diari qu’a dejà parlat d’eras, e que seguim las lors actualitats dab interès.

Quan pensatz aver la bona responsa, desplegatz la proposicion tà véder s’ei corrècte !

Comediana de teatre, de doblatge, de film, la Delfina Lafon que hè partida de las tres interprètas de l’espectacle Estujat darrèr la mata de lavanda, Cirano que sentiva bon a leishiva, adaptacion deu libe-album de Rebecca Dautremer, qui transpòrta l’istòria de Cirano de Brageirac d’Edmond Rostand dens lo Japon medievau. Quau ei(o son) lo(s) ròtle(s) interpretat(s) per Delfina Lafon ?

Roxane

✔ ✔ ✔

Cirano

❌ ❌ ❌

Cristian

❌ ❌ ❌

La narratora

✔ ✔ ✔

Musiciana e contaira, la Marie Coumes que’ns regala de cançons e d’istòrias dab lo grop la Mal Coiffée, mes tanben en duò o en sòlo. Dab lo Laurent Cavalié, que viran l’espectacle N’i a pro sus l’istòria de la luta viticòla de las annadas 60 dens las Corbièras. L’album mei recent de La Mal Coiffée, sortit en mai de 2021, que pòrta tanben aqueth vam de la reïvindicacion, deus reclams de las lutas descolonialas e de la solidaritat enter los pòbles. Quin e’s titola ?

Colors

❌ ❌ ❌

Verd

❌ ❌ ❌

Roge

✔ ✔ ✔

Arretrobatz lo clip Pim Pam, permèr extrèit de l’album, suu site deu Diari.

La poetessa Paulina Kamakina qu’ei la coordinadora de l’antologia poetica Paraulas de Hemnas. Lo tòme 1 qu’amassa 36 autoras, de tot bòrd d’Occitània, aus parlars, tons e inspiracions desparièras. Qui n’ei l’editor ?

Letras d'Òc

❌ ❌ ❌

Reclams

✔ ✔ ✔

E sabetz qu’un dusau tòme ei en preparacion ?

Per Noste edicions

❌ ❌ ❌

Coneishuda coma membra de Cocanha – cants polifonics a dançar en occitan, dab votz, percussions, tamborins de còrda e la vòsta servidora -, la musiciana Lila Fraysse qu’avia un projècte deus bèths dab lo guitarrista Nicolas Lafourest, coneishut preu mitan de la musica improvisada. Lila Fraysse au cant e a la bateria, a l’escritura, a la composicion… qu’i explora e experimenta l’univèrs de la cançon. Quin s’apèra aqueth duò ?

Occitan choc song

❌ ❌ ❌

Chic Gazoil

❌ ❌ ❌

Choc Gazl

✔ ✔ ✔

Actualitat a seguir suu site chocgazl.com

Tà seguir dab las musicianas occitanas, atau la Coralie Nazabal, cantaira, guitarrista, autora e compositora gascona. Desempuish un detzenat d’annadas, que bota en musica tèxtes deu Miquèu Baris, sustot los d’un recuelh pareishut en 1972. L’album qui vien de paréisher que’n torna préner lo títol. Lo quau ?

Punts d'interrogacion

✔ ✔ ✔

Punts de partença

❌ ❌ ❌

Occitan·a, e punt

❌ ❌ ❌

L’escrivana Miquèla Stenta qu’encontrà a l’occitanisme mercés a Robèrt Lafont, un cinquantenat d’annadas a, en obrir ua pòrta d’amfiteatre a l’universitat. Uei, qu’ei autora. Negrelum, pareishut en 2020, que conta la fin de vita de la soa mair, un dusau libe, Eu (2021), qu’ei dedicat au son pair, suicidat quan èra joena adulta. La Miquèla Stenta qu’ei ua figura militanta deu son parçan, au quau ei hòrt estacada. Mes d’on vien ?

Montpelhièr

❌ ❌ ❌

Seta

✔ ✔ ✔
De segur !

Pesenàs

❌ ❌ ❌

La comediana perigordina Emilie Esquerré que tien un permèr ròtle dens Lo Jaç (miniseria d’espiar sus ÒCtele), aqueth d’ua infirmièra en reconversion, qui s’installa dab l’òmi a la campanha. Tots dus que’s lançan dens l’ostaleria en arcuelhent vacancèrs a casa. L’Emilie Esquerré qu’ei tanben comediana de teatre. Que l’auretz vist lhèu en darrèras dens l’espectacle :

Je ne parle pas occitan en public

✔ ✔ ✔
Companhia Lilo

L'Occitan pels nulasses

❌ ❌ ❌

Patois, ni moi

❌ ❌ ❌

close

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.

A prepaus de l'autor

Caroline Dufau

Bearnesa expatriada a Tolosa, Carolina Dufau, dicha Carò, es una artista de terren, mai tots-terrens, de la cantèra, art que mestrèja "de com cau", fins a la vidèo al dintre del Collectiu Dètz. Carò canta dins lo grop 100% femenin Cocanha e dins d'autras formacions, e es tanben redactritz al Diari.

Soscriure
M'assabentar quand
0 Comentaris
Retorns en linha
Veire totes los comentaris

M’aboni !

Anóncia

Lo CalenDiari

La letra del Diari

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.

Los darrièrs clips

Cargament...