Joan Penent, ancian conservator de las pinturas al musèu dels Augustins de Tolosa, desplega una fresca colorada de la pintura de Lengadòc al sègle XVII dins un obratge d’ample. S’i costejan de figuras sovent mesconegudas, d’estiles classics, barròcs, faiçonièrs, flambejants, de telas estonantas presentadas coma se un sol musèu de papièr las aguèsse recampadas. Aqueste vertadièr bèl libre dona d’informacions a bodre suls contèxtes de creacion, las representacions e las interpretacions a ne far, fins a far sorgir un biais d’unitat d’aquela abondosa diversitat creatritz.