Lo joen Bill, qui sorteish de’s mancar lo bachelierat, qu’ei condemnat a passar l’estiu au maine familiau entà revisar los cors en la sola companhia deu pair, lo comte von Fernow, un òmi distant, auturós e sevèr. Un estiu deus avegius en perspectiva, mes qui, au contra, e’s revelarà, tau gojat, ric en experiéncias tresvirantas. Aqueth raconte prim d’Eduard von Keyserling (1855-1918), l’un deus representants mei importants de l’impressionisme literari alemand, qu’ei en efèit un « roman d’aprentissatge » en abracat : quauques setmanas que van estar pro entà que Bill e preni consciéncia deus esmais deu còr, deus torments de la passion, deus desirs deu còs e entà’s desclucar los uelhs sus aquera aristocracia de la quau e hè partida, corsetada en lo son orgulh de classa e los sons principis moraus.