Seleccionar una pagina

Agenda

0 |

Total Festum en quate temps hòrts

Es a se demandar cossí vuèi le teatre, que de mès en occitan, pòsca arribar a se fèr una plaça, tant menudeta siaga, demest les lésers e passatempses pletorics e envaïdors que coneguèm. Vaquí coma exemple l'aventura de la còla de teatre de l'IEO d'Arièja.

La trainèra deu Cirdòc suu canau de Riquet / a comptar deu 5 de junh

Lo Cirdòc – Centre interregionau de desvolopament de l’occitan, basat a Besièrs – qu’ei lo gran associat deu Total Festum.

Aqueth actor màger deu paisatge culturau occitan qu’òbra dab las collectivitats e las associacions locaus. Que vòu acompanhar projèctes estructurants, entà güeitar, conservar, har conéisher e valorizar lo patrimòni culturau occitan.

L’equipa besierenca deu Cirdòc que s’i hè entà sostiéner la produccion e la difusion larga deus sabers actuaus, e entà desvolopar la transmission e l’apropriacion peus publics d’aqueths elements patrimoniaus estacats au territòri.

Que’s tien prèsta entà estar sollicitada peus portaires de projèctes Total Festum, e entà botar a disposicion la trainèra «Le Tourmente» amainatjada en lòc de ressorça (mustras, documentacion, filmes, fòtos…) tot pròche deus eveniments, au briu deu canau de Riquet.

Atau lo ligam dab la cultura e la lenga qu’ei ahortit. Lo trajècte e estancs de la trainèra, dessenhats mercés aus Larèrs Ruraus, que son a seguir suu site web deu Cirdòc. Aqueth vaishèth que serà inaugurat lo 5 de junh. Un còp la sason acabada, que tornarà partir entà har navigar lo hestau Convivéncia.

Tarba en Canta / deu 7 au 11 de junh

 

Lo hestau de cants polifonics que’s debana a Tarba, Ibòs e Semiac. Lançat en 2010, l’eveniment que programa concèrts de polifonia de grops locaus e de tota l’Euròpa, en mantruns endrets de las tres comunas.

Portaira de cultura e de ligam sociau, la polifonia qu’ei ua creacion collectiva tostemps renavida. Aquera iniciativa que plaça la canta de pertot : suus emponts, solide, mes tanben hens los bars dab moments de cantèra, au conservatòri de musica on intervienen los artistas programats, en concèrts entaus collegians, o enqüèra en bal a la votz entà har dançar los mainatges de las escòlas, puish en passa-carrèras e animacions cantadas au mercat.

En quauquas chifras, l’eveniment que pertòca a 10 000 hestenalèrs, 2000 escolans presents suus projèctes pedagogics, un centenat d’estagiaris per las master-classes, 250 artistas envitats e au totau un vintenat de concèrts e cantèras gratuits. Aqueth eveniment portat per las tres comunas organizatoras e l’ofici de torisme tarbés, qu’ei gavidat peu Pascal Caumont a la direccion artistica, professor de musica tradicionau au conservatòri Henri Duparc de Tarba, cantaire e director musicau de Vox Bigerri.

La Ronda deus Tòtems, Besièrs e Pesenàs / los 30 de junh, 1èr e 2 de julhet

 Los 1èr e 2 de julhet, lo Polin de Pesenàs, un deus mei ancians animaus dits «totemics», inscriut au repertòri immateriau de l’Unesco dempuish 2005, que serà l’òste de «La Ronda deus Tòtems». Los Amics deu Polin e la Vila de Pesenàs, dab lo CIRDÒC e lo CFPCI (Centre Francés deu Patrimòni Culturau e Immateriau) qu’organizan aquera grana permèra ronda europèa deus gigants e tòtems de França, Belgica e Catalonha.

Que’s preparan a arcuélher 45 animaus totemics, gigants e dragons, en tot mesclar moments de hèsta, d’escambis, de partatges e de reflexions. Aqueste cap de setmana que mercarà l’istòria au son biaish, dab l’Amassada Generau constitutiva de la Federacion TOTEMIC deus tòtems occitans e catalans.

En realitat, l’eveniment que començarà lo 30 de junh, en fin de vrespada a Besièrs : lo CIRDÒC que’ns convida au lançament deu site internet TOTEMIC, qui aplegarà tot çò de bon saber sus aqueths gigants e bèstias : qui son las associacions qui’us pòrtan, quin las contactar, quan e on las bèstias e sorteishen segon l’agenda de las hèstas. Lo portau web qu’aubergarà ua totemotèca, bibliotèca numerica de ressorças de referéncia suus tòtems, on cada bèstia totemica e sera repertoriada, dab tots los documents que s’i rapòrtan : legendas de las originas, elements istorics e actuaus de la practica, fòtos, filmes, musica e rituaus estacats…

Lo reclam d’aqueth navèth mèdia que’s harà peu site Occitanica, portau collectiu de la lenga e de la cultura occitanas, e tanben au dehens deu repertòri deu patrimòni culturau occitan, e deus portaus regionaus de la cultura e deu patrimòni.

Clavada deu Total Festum / 8 e 9 de julhet a Castèlnòu d’Arri

Augan, la clavada de la sason Total Festum que serà mercada peu detzau Hestau d’Espòrts Tradicionaus deu territòri occitan e catalan : corsas de vacas, camarguesas e landesas, palet gascon, quilhas, remas tradicionaus, tambornet, luta.
Ua programacion culturau que pontuarà las jornadas de torneis e demostracions. Que va caler aténer ua annada de mei, entà arretrobar lo Forum Euròregionau, qui’s tienerà a annada passada.

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.

A prepaus de l'autor

Caroline Dufau

Bearnesa expatriada a Tolosa, Carolina Dufau, dicha Carò, es una artista de terren, mai tots-terrens, de la cantèra, art que mestrèja "de com cau", fins a la vidèo al dintre del Collectiu Dètz. Carò canta dins lo grop 100% femenin Cocanha e dins d'autras formacions, e es tanben redactritz al Diari.

Soscriure
M'assabentar quand
0 Comentaris
Retorns en linha
Veire totes los comentaris

Crompar Lo Diari

Los pòdcasts

Los darrièrs clips

Cargament...

La letra del Diari

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.


Fatal error: Uncaught TypeError: WP_Rocket\Engine\Optimization\AbstractOptimization::find(): Argument #2 ($html) must be of type string, null given, called in /home/clients/461bf606ec6966ce465ce2b66ef9abcc/web/wp-content/plugins/wp-rocket/inc/Engine/Optimization/Minify/CSS/Minify.php on line 92 and defined in /home/clients/461bf606ec6966ce465ce2b66ef9abcc/web/wp-content/plugins/wp-rocket/inc/Engine/Optimization/AbstractOptimization.php:68 Stack trace: #0 /home/clients/461bf606ec6966ce465ce2b66ef9abcc/web/wp-content/plugins/wp-rocket/inc/Engine/Optimization/Minify/CSS/Minify.php(92): WP_Rocket\Engine\Optimization\AbstractOptimization->find('<link\\s+([^>]+[...', NULL) #1 /home/clients/461bf606ec6966ce465ce2b66ef9abcc/web/wp-content/plugins/wp-rocket/inc/Engine/Optimization/Minify/CSS/Minify.php(29): WP_Rocket\Engine\Optimization\Minify\CSS\Minify->get_styles('<!DOCTYPE html>...') #2 /home/clients/461bf606ec6966ce465ce2b66ef9abcc/web/wp-content/plugins/wp-rocket/inc/Engine/Optimization/Minify/CSS/Subscriber.php(53): WP_Rocket\Engine\Optimization\Minify\CSS\Minify->optimize('<!DOCTYPE html>...') #3 /home/clients/461bf606ec6966ce465ce2b66ef9abcc/web/wp-includes/class-wp-hook.php(324): WP_Rocket\Engine\Optimization\Minify\CSS\Subscriber->process('<!DOCTYPE html>...') #4 /home/clients/461bf606ec6966ce465ce2b66ef9abcc/web/wp-includes/plugin.php(205): WP_Hook->apply_filters('<!DOCTYPE html>...', Array) #5 /home/clients/461bf606ec6966ce465ce2b66ef9abcc/web/wp-content/plugins/wp-rocket/inc/Engine/Optimization/Buffer/Optimization.php(100): apply_filters('rocket_buffer', '<!DOCTYPE html>...') #6 [internal function]: WP_Rocket\Engine\Optimization\Buffer\Optimization->maybe_process_buffer('<!DOCTYPE html>...', 9) #7 /home/clients/461bf606ec6966ce465ce2b66ef9abcc/web/wp-includes/functions.php(5373): ob_end_flush() #8 /home/clients/461bf606ec6966ce465ce2b66ef9abcc/web/wp-includes/class-wp-hook.php(324): wp_ob_end_flush_all('') #9 /home/clients/461bf606ec6966ce465ce2b66ef9abcc/web/wp-includes/class-wp-hook.php(348): WP_Hook->apply_filters(NULL, Array) #10 /home/clients/461bf606ec6966ce465ce2b66ef9abcc/web/wp-includes/plugin.php(517): WP_Hook->do_action(Array) #11 /home/clients/461bf606ec6966ce465ce2b66ef9abcc/web/wp-includes/load.php(1260): do_action('shutdown') #12 [internal function]: shutdown_action_hook() #13 {main} thrown in /home/clients/461bf606ec6966ce465ce2b66ef9abcc/web/wp-content/plugins/wp-rocket/inc/Engine/Optimization/AbstractOptimization.php on line 68