Puèg Gerjant (Viena Nauta, Lemosin)

Barrutlar, sovent, es s'encaminar cap a la cima d'una còla, d'una montanha o d'una ciutat, per temptar de miélhs véser lo mond, l'abraçar d'un agach, lo careçar de luènh. I a de nautors famosas, de luòcs dins lo cèl que los òmes i tòrnan, de longa, tras los sègles, podriam dire de luòcs eternals que lo temps sembla de s'i arrestar e que, pasmens, la traça de l'Istòria en movement i es presenta de'n pertot.