Tot çò de publicat per Almanac Setòri

‘Carèl, fa ja un an que lo darrièr almanac setòri sortiguèt ? Lo Ceucle Setòri e los ceucles de la riba de l’estanh capitan, après 3 ans d’una regularitat requista, de far dintrar la parucion de lor almanac dins las acostumas del monde. Jamai dos sens tres, çò dison ! Dins aquesta edicion, i trobarem una evocacion de Pèire François, de Brassens, d’escrivans e de monuments, d’apròchis de las emblematicas ajustas e de la lenga de l’endrech… Totjorn amb una tras que polida maqueta e d’illustracions ricas !