Inspirats pels mots de l’enfança, los poèmas de Max Lafargue evòcan una partença en mar, l’ardor al trabalh, la vida maritima, la fin d’un viatge o encara lo paradís perdut.
Fins aquí publicats sonque en occitan, los poèmas de Max Lafargue èran pas jamai estats tradusits en francés. Ara es fait, amb un recuèlh bilingüe que dona per legir e mai escotar, mercés al CD que l’acompanha. Plan de rasons de descobrir aquela òbra contemporanèa d’una finesa bèla.