2020 marca lei cent ans de la naissença de Mas-Felipe Delavouet e per aquela escasença leis edicions A l’asard Bautezar publican un recuèlh dei paraulas de l’escrivan provençau, sortidas d’entretens, de còps inedichs, menats entre 1953 e sa mòrt en 1990. De que descobrir un poèta contemporanèu dins sa vida, seis òbras, son país de riba de Crau, sa lenga que partejava ambe Mistral o d’Arbaud, seis interès per totei leis arts e lei grands mites fondamentaus que banhan seis escrichs.