Dempús quauquas annadas l’Academia
de Gascon de Sheishan (Gers) hè víver la lenga
e la cultura gasconas per son talhèr de lenga, son
grope de cant e sos espectacles.
Cada annada, ua còla d’actors e de contaires,
tots sòcis de l’Academia, pujan sus l’empont
a Seishan e dens d’autes endrets entà contar e jogar
en lenga occitana. E, tots los textes son creacions
totalament ineditas, causa pro rara qui s’amerita
d’estar senhalada. Lor gran interès ven deu fèt que
son inspirats per la societat d’auèi vista per gascons
d’auèi. L’idèa qu’ei donc venguda de regropar
tots aqueths textes e de’us publicar. L’Academia
de Gascon de Seishan que balha donc per aqueste
obratge un testimòni viu a la Literatura Occitana
contemporanèa.