Marcèl Panhòl fa partida dels escrivans mai populars del sègle XX. Compta, amb Frederic Mistral, Anfós Daudet e Joan Giono, demest los mèstres de la literatura meridionala e totes los escolans franceses estúdian un jorn o l’autre un de sos romans. Faguèt totjorn pròva de son amor per sa region natala, e sos escriches ne fan l’elògi.
Ne legir mai
Amont de Marselha, a 20 minutas sus l’A 50, se tròba una vila que viu un pauc amagada darrier sa redobtabla vesina : Aubanha. Au pè dau Garlaban, es una mena de vilòta provençala tipica, pichoteta mai agradiva. E de segur, tan pichòta que siegue, es la vertadièra vila de naissença de Marcèu Pagnol.
Ne legir mai
Se vos disi « Qu’ei un roc ! … qu’ei un pic ! … qu’ei un cap ! Que disi, qu’ei un cap ? … qu’ei una peninsula ! », quitament se la citacion d’origina n’es pas en gascon, me responetz… Cirano de Brageirac, solide ! E es hòrt probable que pensetz au sègle 17au e aus capdèths de Gasconha… E si vos disèvi que lo Cirano inventè la sciéncia-ficcion… Ne’m credetz pas ? Bon, vos expliqui.
Ne legir mai
D’aquela conjoncion que vei trescolar Hubert Reeves qualques jorns sonque avant la clavada d’un Diari sus l’espaci ! L’ombra solara del famós scientific quebequés s’espandirà pasmens sus un numèro qu’aurà l’aspiracion de virar a l’entorn de l’astrofisica. A començar per la preséncia d’una discípol sieuna, Sylvie Vauclair l’astromusiciana. E puèi dos autres scientifics seràn del viatge, Patrice Benarroche e Richard Muller, cadun los uèlhs clavelats amont naut, sus de punts luminoses de pagèlas variables, solelhs e satellits.
Mas pas de problèma, Houston, aquel monde sabon vulgarizar pels terrenals que demoram. E terrenals benlèu mas caplevats cap a la capa captivanta d’un cèl capriciós. La formula es un brigalh a ras de sòl mas “tostemps l’uman qu’a espiat lo cèu”, coma o ditz haut o baish Anne-Pierre Darrées, fins a i veire, i devinar o i imaginar de mondes entièrs. Castèls en l’espaci que daissan d’estèlas, limpairas o fixas, dins la literatura e dins tota la cultura populara ; e nòstra quita lenga acèla encara de galaxias de dires astrals…
Es un pichon pas pel Diari en defòra de son orbita costumièra, mas totjorn amb aquela atraccion curiosa, per l’infinit e al delai !
Lo Diari (al numèro)
0,00 € – 5,00 €
Lo Nadal del Diari 2023
Original price was: 34,00 €.27,00 €Current price is: 27,00 €.
Abonament a Lo Diari
De : 1,50 € / mes
