Seleccionar una pagina

A Taula !

0 |

La Ceserada : un jòc de cosina pels enfants

Es una pasta de césers que se fa en Provença e dins tota Occitània. Se manja per l’aperitiu, a temperatura ambienta sus de lescas de pan grasilhat. Sembla fòrt a l’hummus oriental. Es a ensajar aqueste estiu !

Ingredients

400 g de césers

un bolhon de galina

un citron

pebre roge

d’alh

pebre e sal

Preparacion

Daissarem los césers dins l’aiga tota la nuèit. Los colarem e los metrem dins una ola cobèrts d’aiga sul fòc. I ajustarem una mica de sal e quand buliràn baissarem la flama per los daissar còser a fòc doç. Quand seràn còites, los colarem e los daissarem fregir. Los metrem dins lo mesclaire electric amb dos grans d’alh espotits, lo chuc de citron, un bocin de pebre, un rag d’òli e mesclarem. Tot mesclant i ajustarem un pauc de bolhon fins a obténer la densitat de pasta que volèm. Cal que siá espés mas pas de tròp. Vuejarem la ceserada dins un plat en li donant una forma redonda e salpicarem de pebre roge. S’i pòt ajustar una oliva negra al mièg del plat e quatre branquilhons de jolverd. Se pòrta lo plat en taula amb las lescas de pan grasilhadas.

close

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.

A prepaus de l'autor

Vicent Marqués

Vicent Marqués i Carbonell es nascut en 1950 al País Valencian. Cosinièr de profession (ara retirat), li agrada tanben escriure, e far de recèrcas. Quaranta ans fa comencèt un trabalh antologic e istoric de la cosina occitana e catalana, un trabalh menimós fòrça documentat que qualques tòmes ne son ja sortits. Vicent escriviá ja dins Jornalet, per Lo Diari liura una recèpta, de bon far, totjorn plan rensenhada sus tot lo territòri, amb l'ajuda de Joan Tomàs.

Soscriure
M'assabentar quand
0 Comentaris
Retorns en linha
Veire totes los comentaris

M’aboni !

Anóncia

Lo CalenDiari

La letra del Diari

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.

Los darrièrs clips

Cargament...